21.10.2026 | 21:58
Երևան, Ալավերդի, Վանաձոր քաղաքների մի շարք հասցեներում, Դարպաս բնակավայրում վթարային գազանջատում կլինի
Պիտի կարողանան ՀԷՑ-ը խլել, որ հանձնեն. Սամվել Կարապետյան. ՏԵՍԱՆՅՈՒԹ
Քաղաքականություն
06.08.2026 | 15:16
«Իրենք դեռ պետք է կարողանան խլել, որ հանձնեն»,- դատարանի բակում այսպես արձագանքեց Սամվել Կարապետյանը Նիկոլ Փաշինյանի այն հայտարարությանը, որ «ՀԷՑ-ը լինելու է է պետական սեփականություն և հանձնվելու հավատարմագրային կառավարման»։
«Դրա համար գոյություն ունեն Հայաստանի դատարաններ, միջազգային դատարաններ։ Մենք հիմա պայքարում ենք իրենց ապօրինությունների դեմ»,- նշեց Կարապետյանը։
Factor TV-ի հարցին, թե ինչ փուլում է այդ պայքարը, Կարապետյանն արձագանքեց, որ քայլ առ քայլ առաջ են գնում։
Կարապետյանից նաև հետաքրքրվեցինք, թե ինչ փուլում է իր՝ քաղաքացիություններից հրաժարվելու գործընթացը։
«Երբ հնարավորություն լինի ազատվել տնային կալանքից, դրանից հետո նոր այդ հարցը կտաք։
Նա նաև արձագանքեց իշխանության ներկայացուցիչների մեղադրանքներին, թե ՀԷՑ-ը հավելագրումներ է արել, այդ թվում՝ մանկապարտեզների և բանակի հաշվին։
«Արդեն մեկ տարի երկու ամիս կառավարում են, չկա ոչ մի ապացույց»,- ասաց նա՝ դրանք որակելով անպատասխանատու հայտարարություններ։
Ընդդիմության համախմբման վերաբերյալ մեր հարցին ի պատասխան՝ «Ուժեղ Հայաստան»-ի առաջնորդը նշեց, որ այդ ուղղությամբ ակտիվ աշխատանք է տարվում, սակայն մանրամասներ չհայտնեց։
«Շատ ակտիվ համախմբվում ենք, մի՛ անհանգստացեք»,- ասաց նա՝ հրաժարվելով նշել, թե կոնկրետ ում հետ են ընթանում քննարկումները։
Մանրամասները՝ տեսանյութում։
Արփի Հակոբյան
