06.09.2026 | 17:20
Արարատ Միրզոյանը Ռիգայում կհանդիպի Լատվիայի ԱԳ նախարարին
Արենի համայնքին կհատուցվի 2.2 միլիոն դրամ. Դատախազության՝ պետշահերի հայցը բավարարվել է
Հասարակություն
06.08.2026 | 15:09
Գլխավոր դատախազությունը 2025 թվականի հոկտեմբերի 18-ին հայցադիմում էր ներկայացրել Հակակոռուպցիոն դատարան՝ ընդդեմ Վայոց ձորի մարզի Արենի համայնքի և ֆիզիկական անձի՝ 2011 թվականին հողամասի վերաբերյալ կատարված աճուրդն անվավեր ճանաչելու և անվավերության հետևանքներ կիրառելու պահանջներով: Այս մասին հայտնել է Գլխավոր դատախազությունը
«Նկատի ունենալով, որ առկա է հողամասը բնեղենով վերադարձնելու անհնարինություն, Դատախազության կողմից ներկայացվել էր հողամասի շուկայական արժեքը հատուցելու պահանջ:
Հակակոռուպցիոն դատարանը 2026 թվականի հուլիսի 30-ի վճռով բավարարել է Գլխավոր դատախազության հայցը»,- ասված է հաղորդագրության մեջ:
Վճիռն օրինական ուժի մեջ մտնելուց հետո, ֆիզիկական անձը Վայոց ձորի մարզի Արենի համայնքին կհատուցի 2 միլիոն 255 հազար դրամ։
