27.09.2026 | 15:06
Հայազգի տիեզերագնաց Հարություն Կիվիրյանը կուղևորվի Միջազգային տիեզերակայան
Դատող կողմի համար տապալված դատավարություն է․ Դավիթ Իշխանյանի ուղերձը Բաքվի բանտից․ ՏԵՍԱՆՅՈՒԹ
Հասարակություն
06.08.2026 | 13:14
Արցախի Ազգային ժողովի նախագահ Դավիթ Իշխանյանը Բաքվի բանտից ուղերձ է հղել՝ անդրադառնալով Ադրբեջանում ընթացող ապօրինի դատավարության հերթական փուլի ավարտին և ներկայացնելով դատարանում տեղի ունեցած զարգացումներն ու իրենց դիրքորոշումը։
Դավիթ Իշխանյանի խոսքով՝ Վերաքննիչ դատարանը հեռացել է խորհրդակցական երկրորդ փուլին, սակայն բոլորի համար էլ ակնհայտ է, որ վճիռն արդեն վաղուց կայացված է այլ ատյաններում։
«Դատավորական կոլեգիան չէ, որ կայացնում է այդ վճիռը․ նրանք միայն հայտարարության կարգով կհրապարակեն այն, ինչն արդեն որոշված է։ Սա քաղաքական դատավարություն է, որտեղ գործում է ուժի օրենքը, այլ ոչ թե օրենքի ուժը։ Բայց քաղաքականապես և բարոյապես մեղադրող կողմը և դատավորական կոլեգիան չեն շահել դատը․ շահողը եղել ենք մենք՝ որպես մեղադրյալներ։ Դատող կողմի համար սա տապալված դատավարություն է»,- ընդգծել է Իշխանյանը։
Մանրամասները՝ տեսանյութում։
