Հայաստանի երիտասարդական հավաքականի հարձակվող Արթուր Ղարիբյանը Մոսկվայի «Ռոդինայի» կազմում գոլի հեղինակ է դարձել Ռուսաստանի գավաթի խաղարկության խմբային փուլի առաջին տուրի խաղում` գրավելով Կազանի «Ռուբինի» դարպասը։
20-ամյա ֆուտբոլիստը խաղադաշտ է դուրս եկել մեկնարկային կազմում ու աչքի է ընկել 78-րդ րոպեին։ «Ռոդինան» հաղթել է 5։0 հաշվով։
Դա Արթուր Ղարիբյանի առաջին գոլն էր ընթացիկ մրցաշրջանում։
Հայաստանի ազգային հավաքականի կիսապաշտպան Ուգոչուկվու Իվուն ընդգրկված է եղել «Ռուբինի» հայտացուցակում, սակայն խաղաժամանակ չի ստացել։
