05.08.2026 | 17:35
Փաշինյանն ընդունել է ԱՄՆ հատուկ բանագնացի ավագ խորհրդականին․ քննարկվել է TRIPP նախագիծը
Հայաստանի թիմը երկրորդ տեղն է գրավել ազատազրկված անձանց շախմատի միջազգային մրցաշարում
05.08.2026 | 16:27
Շախմատի Հայաստանի ազատազրկված անձանց հավաքականը միջազգային առցանց մրցաշարում զբաղեցրել է երկրորդ տեղը, հաղորդում է ՀՇՖ մամուլի ծառայությունը։
Օգոստոսի 4-ին ՀՀ ԱՆ «Նուբարաշեն» քրեակատարողական հիմնարկում ՌԴ Պատիժների կատարման դաշնային ծառայության նախաձեռնությամբ անցկացվել է շախմատի միջազգային առցանց մրցաշար՝ Անկախ Պետությունների Համագործակցությանը մասնակից պետությունների քրեակատարողական հիմնարկներում պատիժ կրող դատապարտյալների միջև:
Հայաստանի հավաքականում ընդգրվել էին ՀՀ ԱՆ «Արմավիր», «Սևան» և «Վարդաշեն» քրեակատարողական հիմնարկներում պատիժ կրող դատապարտյալները:
Մրցաշարի մեկնարկից առաջ բոլոր երկրների մասնակիցներին ողջունել և բացման խոսքով հանդես է եկել Քրեակատարողական ծառայության պետի տեղակալ Վահե Նանուշյանը:
Պետի տեղակալը, բարձր գնահատելով նման ձևաչափով միջոցառումների կազմակերպումն ու նմանատիպ նախաձեռնությունների իրականացումը, շեշտադրել է շախմատի կարևոր դերը մարդկանց միավորելու, մտավոր կարողությունների զարգացման և սոցիալական վերաինտեգրմանը նպաստելու գործում:
Մրցաշարի հաղթողի կոչումը նվաճել է Բելառուսի հավաքականը, իսկ Հայաստանի ներկայացուցիչները գրավել են երկրորդ տեղը։
