06.11.2026 | 18:24
Բա վարչապետ ես, ազնի՛վ խոսի. Գյումրու մանկապարտեզի վրա 27 հազար կՎտ հավելագրում կա. Ղազինյան․ ՏԵՍԱՆՅՈՒԹ
Մեսին դեռ մտադիր չէ հեռանալ Արգենտինայի հավաքականից. աղբյուր
03.08.2026 | 13:29
Ամերիկյան «Ինտեր Մայամիի» հարձակվող Լիոնել Մեսին դեռ մտադիր չէ ավարտել ելույթներն Արգենտինայի հավաքականում: Այդ մասին սոցցանցերում հայտնել է լրագրող Ֆրան Կասարետոն:
Ըստ աղբյուրի՝ 39-ամյա ֆուտբոլիստն Արգենտինայի հավաքականից կհեռանա 2028թ. Ամերիկայի գավաթի խաղարկությունից հետո:
Լիոնել Մեսին 2005 թվականին է նորամուտը նշել Արգենտինայի հավաքականում, որի կազմում անցկացրել է 207 հանդիպում, դարձել 125 գոլի ու 68 գոլային փոխանցման հեղինակ։ Ազգային թիմի հետ «Ոսկե գնդակի» 8-ակի դափնեկիրը դարձել է աշխարհի չեմպիոն (2022), Ամերիկայի կրկնակի գավաթակիր (2021, 2024) ու Ֆինալիսիմայի հաղթող (2022)։
ԱՄՆ-ում, Կանադայում և Մեքսիկայում ավարտված աշխարհի առաջնության Մեսին դարձել էր 8 գոլի հեղինակ ու երկրորդ տեղը գրավել ռմբարկուների ցուցակում՝ 2 գոլ զիջելով Ֆրանսիայի հավաքականի ու Մադրիդի «Ռեալի» հարձակվող Կիլիան Մբապեին։
