21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Հայտնաբերվել են հետախուզվողներ, ապօրինի զենք-զինամթերք և թմրամիջոցներ․ ՆԳՆ
Հասարակություն
29.07.2026 | 12:25
Հանրային անվտանգության ապահովման և հանցավորության կանխարգելման նպատակով ՆԳՆ ոստիկանությունը հանրապետության ամբողջ տարածքում շարունակում է հատուկ միջոցառումները։ Շրջայցերի և ստուգողական գործողությունների արդյունքում հայտնաբերվել են հետախուզվողներ, քրեական հակումներ ունեցող անձինք, ինչպես նաև ապօրինի պահվող զենք-զինամթերք, թմրամիջոցներ և այլ իրավախախտումների հետքեր։
ՆԳՆ-ի հաղորդագրությունը՝ ստորև․
Հանցավոր դրսևորումների կանխարգելման և հանրային անվտանգության ապահովման նպատակով ՆԳՆ ոստիկանությունը հանրապետության ամբողջ տարածքում հետևողականորեն շարունակում է հատուկ միջոցառումները։
ՆԳՆ ոստիկանության ծառայողները շրջայցեր և ստուգողական գործողություններ են իրականացրել բակային տարածքներում, հավաքատեղիներում, հանրային այլ վայրերում՝ ուշադրության կենտրոնում պահելով հնարավոր իրավախախտումներն ու հանցավոր դրսևորումները։
Իրականացված ծավալուն միջոցառումների արդյունքում կրկին հայտնաբերվել են քրեական հակումներ ունեցող անձինք, հետախուզվողներ, ապօրինի պահվող զենք-զինամթերք, թմրամիջոցներ և այլն։
ՆԳՆ ոստիկանության միջոցառումները շարունակվում են։
