27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Ոստիկանները ձերբակալել են ապօրինի զենք պահող տղամարդուն
Հասարակություն
27.07.2026 | 23:18
Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողները օպերատիվ տեղեկություն էին ստացել, որ Դավիթ Բեկի փողոցի 41-ամյա բնակիչը ապօրինի ձեռք է բերել և պահում է ատրճանակ։
ՆԳՆ-ի փոխանցմամբ՝ տեղեկությունն իրացվել է հուլիսի 25-ի երեկոյան։ Նորաշեն թաղամասում տղամարդը հայտնաբերվել, ձերբակալվել և իր վարած մեքենայով տեղափոխվել է ոստիկանության վարչություն։
Տղամարդը հայտնել է, որ ատրճանակը գտնվում է մեքենայի բեռնախցում։
Քրեական վարույթի շրջանակում կատարված խուզարկության ընթացքում մեքենայի բեռնախցում հայտնաբերվել է «Մակարով» տեսակի մարտական ատրճանակ։
Դեպքի հանգամանքները պարզվում են։
