05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Ուրցաձորի Տափի բերդում պահպանվել են միջնադարյան ամրոցը, 13-րդ դարի եկեղեցին, գրչության կենտրոնի հետքերն ու «Գոհար թագուհու վանքի» ավերակները
Մշակույթ
24.07.2026 | 14:16
Ուրցաձոր գյուղի տարածքում գտնվող Տափի բերդում պահպանվել են միջնադարյան ամրոցը, 13-րդ դարի Սուրբ Գևորգ եկեղեցին, գրչության կենտրոնի պատմական հետքերն ու «Գոհար թագուհու վանքի» ավերակները։
«Պատմամշակութային արգելոցը գտնվում է ՀՀ Արարատի մարզի Ուրցաձոր գյուղի տարածքում։
Ամրոցի կառուցման վերաբերյալ պատմական հստակ տեղեկություններ հայտնի չեն, սակայն 13-րդ դարի արձանագրություններում հիշատակվում են Օրբելյան իշխանները, իսկ ժողովրդական ավանդությունն այն կապում է 10-րդ դարի իշխան Գևորգ Մարզպետունու անվան հետ։
Այստեղ կարելի է տեսնել 2008-2010 թթ․ վերականգնված ուղղանկյուն պարիսպներով ու շրջանաձև աշտարակներով ամրոցը, կենտրոնում գտնվող 13-րդ դարի սպիտակ կրաքարից Ս․ Գևորգ եկեղեցին՝ 1291 թվականի արժեքավոր արձանագրություններով, 15-րդ դարի գրչության կենտրոնի պատմությունն ու դիմացի բլրին պահպանված «Գոհար թագուհու վանքի» ավերակները։
Արի՛ միասին բացահայտենք ու զգանք «Տափի բերդ» պատմամշակութային արգելոցի դարավոր գաղտնիքներն ու միջնադարյան հզոր շունչը»,- ասված է ՀՀ ԿԳՄՍ նախարարություն Պահպանության ծառայություն ՊՈԱԿ-ի տարածած հաղորդագրությունում։
