Գեղարքունիքի մարզում գտնվող Սուրբ Հովհաննես մատուռում հուլիսի 22-ին հրդեհ է բռնկվել։ Հրշեջ-փրկարարներին հաջողվել է մեկ ժամից պակաս ժամանակում մեկուսացնել և մարել կրակը։
«Հուլիսի 22-ին՝ ժամը 15։37-ին, Գեղարքունիքի մարզային օպերատիվ կառավարման կենտրոն ահազանգ է ստացվել, որ Սուրբ Հովհաննես մատուռում հրդեհ է բռնկվել։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է Գավառ-Մարտունի ավտոճանապարհին գտնվող մատուռում։
Հրդեհը մեկուսացվել է ժամը 16։00-ին, մարվել՝ 16։45-ին։
Մատուռի ներսում այրվել և ջերմահարվել են սրբապատկերներ»,- ասված է ՆԳՆ-ի տարածած հաղորդագրությունում։
