14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Վերջին եռամսյակում ԶԼՄ-ների և լրագրողների իրավունքների խախտման 42 դեպք է արձանագրվել․ Աշոտ Մելիքյան․ ՏԵՍԱՆՅՈՒԹ
Հասարակություն
22.07.2026 | 14:39
Եթե, ընդհանուր առմամբ, մենք խոսենք եռամսյակի ընթացքում լրագրողների և զանգվածային լրատվամիջոցների իրավունքների խախտումների մասին, ապա դրանք 42-ն են, որոնցից մեկը ֆիզիկական բռնությունն է, 30-ը՝ տարատեսակ այլ ճնշումներ՝ վիրավորանք, սպառնալիք և այլն, և այլն, և 11-ը՝ տեղեկություններ ստանալու և տարածելու իրավունքի խախտումներ են․ այս մասին հրավիրված ասուլիսի ժամանակ ասաց Խոսքի ազատության պաշտպանության կոմիտեի նախագահ Աշոտ Մելիքյանը՝ ներկայացնելով Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին 2026թ. երկրորդ եռամսյակային զեկույցը։
«Մենք կարող ենք դա համեմատել նախորդ եռամսյակի հետ, ասենք նույն ֆիզիկական բռնությունները և՛ նախորդ, և՛ երկրորդ եռամսյակում մեկն է, մեկ դեպք է արձանագրվել, իսկ տարատեսակ ճնշումների քանակը ավելացել է, փաստորեն, առաջին եռամսյակում 22-ն էր, հիմա 30 արձանագրվեց, ութ դեպքով աճ է նկատվում։ Եվ տեղեկություններ ստանալու և տարածելու առումով էլ, եթե առաջին եռամսյակում յոթն էր, ապա երկրորդում 11-ն է։
Բայց, ընդհանուր առմամբ, պետք է ասել, որ եթե մենք համեմատում ենք նախորդ տարվա նույն ժամանակահատվածի հետ, նույն այ էդ տեղեկություններ ստանալու և տարածելու իրավունքի խախտումները շեշտակի նվազել են և տարբերությունը կազմում է 28, այսինքն՝ երկրորդ եռամսյակում 2025 թվականի 39 դեպք էր գրանցվել, և դա բավականին շատ էր, էդ նվազումը ակնհայտ է»,- ասաց Մելիքյանը։
Մանրամասները՝ տեսանյութում։
