21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Իրանցիները 14,5 մլն դոլար պարտք են եղել Ծառուկյանին, 2 տարում պետք է վերադարձնեին գումարը․ փաստաբան․ ՏԵՍԱՆՅՈՒԹ
Հասարակություն
21.07.2026 | 12:22
Լրացուցիչ հարցաքննություն իրականացնելու համար «Բարգավաճ Հայաստան» կուսակցության նախագահ Գագիկ Ծառուկյանը բերվել է Քննչական կոմիտե։
Կոմիտեի շենքի մոտ լրագրողների հետ զրույցում փաստաբան Երեմ Սարգսյանը նշեց՝ խոսքը խոշոր չափով հարկերից խուսափելու մեղադրանքի մասին է։
«Մենք բազմաթիվ փաստաթղթեր իրենց ներկայացրել ենք, լրացուցիչ փաստաթղթեր ևս պատրաստվում ենք ներկայացնել, բայց եթե իրենք օբյեկտիվ քննություն են ուզում իրականացնել, հենց անմիջապես պետք է դրանք բոլորն իրենց մոտ զննեին և դիտարկեին որպես ապացույցներ: Մենք տեսնում ենք, որ դժվար թե այդքան ակտիվ աշխատեն այդ ուղղությամբ, որովհետև նույնիսկ մեր ներկայացրած փաստաթղթերն իրենք փորձում են չտեսնելու տալ: Այն ակնհայտ փաստերը, որտեղ երևում է, որ Գագիկ Ծառուկյանը և հայկական կողմն են տուժող հանդիսանում, իրենք այդ ամենը հերքում են:
Միայն նրանց՝ իրանցիների, բանավոր ասածը, թե գումարով ապրանք են առել-ուղարկել ու դա հափշտակվել է, բայց հափշտակության փաստն էլ չի հիմնավորվում, դա իրենց համար վերջին աստիճանի ճշմարտություն է դիտարկվում: Իսկ կոնկրետ ապացուցողական փաստերով հենց այս պարտավորագրերը, երաշխավորագրերը և ցուցմունքները մատների արանքով են նայում, որովհետև այս պահին իրենց դա հետաքրքիր չի»,- ասաց նա։
Մանրամասները՝ տեսանյութում։
