05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Նորածնին դարձյալ Տիգրան են անվանակոչել․ Արփինե Սարգսյանն այցելել է Մարմարիկ՝ Պետրոսյանների ընտանիքին
21.07.2026 | 10:26
ՆԳ նախարար Արփինե Սարգսյանը Կոտայքի մարզ կատարած աշխատանքային այցի ընթացքում այցելել է Մարմարիկում բնակվող Պետրոսյանների ընտանիք՝ շնորհավորելու նրանց որդու՝ փոքրիկ Տիգրանի ծննդյան առթիվ։ Նախարարը նշել է, որ փոքրիկի լույս աշխարհ գալը նոր հույսի և կյանքի շարունակության խորհրդանիշ է։
«Հուլիսի 20-ին՝ Կոտայքի մարզ կատարած այցի ընթացքում, ՆԳ նախարար Արփինե Սարգսյանն այցելել է Մարմարիկում բնակվող Պետրոսյանների ընտանիք՝ շնորհավորելու նրանց փոքրիկ Տիգրանի լույս աշխարհ գալու առթիվ։ Ընտանիքում ծանր կորուստներից հետո կրկին հնչել է մանկան ձայնը՝ լցնելով տունը նոր հույսով ու ջերմությամբ։
Նախարարը ընտանիքին մաղթել է առողջություն, ամրություն, խաղաղ ու երջանիկ օրեր՝ ընդգծելով, որ փոքրիկի ծնունդը նոր հույսի և կյանքի շարունակության խորհրդանիշ է։
Պետրոսյանները շնորհակալություն են հայտնել նախարարին՝ մշտական ուշադրության, հոգատարության և մշտապես իրենց ընտանիքի կողքին լինելու համար»,- ասված է ՆԳՆ-ի տարածած հաղրդագրությունում։
Հիշեցնենք, որ Պետրոսյանների ընտանիքը 2025 թվականին ծանր կորուստներ էր կրել։ Հոկտեմբերին մահացել էր ընտանիքի հայրը՝ Նորայր Պետրոսյանը՝ իրենց 2-ամյա որդու՝ Տիգրանի մահից կարճ ժամանակ անց։ Ավելի ուշ նրա կինը՝ Լիանա Պետրոսյանը, տեղեկացել էր, որ հղի է։
