20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Իսպանիայի հավաքականը պատմական ռեկորդներ է սահմանել
20.07.2026 | 13:10
Ֆուտբոլի Իսպանիայի հավաքականը պատմական ռեկորդներ է սահմանել ԱՄՆ-ում, Կանադայում և Մեքսիկայում ավարտված աշխարհի առաջնության եզրափակիչում արգենտինացիների նկատմամբ նվազագույն հաշվով հաղթանակից հետո, հաղորդում է Opta Sports-ը։
Լուիս Դե Լա Ֆուենտեի գլխավորած թիմը սահմանել է անպարտելի հանդիպումների համաշխարհային ռեկորդ՝ չպարտվելով 38-րդ խաղում անընդմեջ: Այդ ցուցանիշով նախորդ ռեկորդը պատկանում էր Իտալիայի հավաքականին, որը 2018-2021 թթ․ չէր պարտվել 37 խաղ անընդմեջ։
Իսպանիայի հավաքականը նաև աշխարհի առաջնությունների պատմության մեջ առաջին թիմն է, որին հաջողվեց մրցաշարն ավարտել բաց թողած 1 գոլով (8 խաղում):
Այդ ցուցանիշով նախորդ ռեկորդը 2 բաց թողած գոլն էր և պատկանում էր Իտալիային (ԱԱ-1990) ու Ֆրանսիային (ԱԱ-1998) ու Իսպանիային (ԱԱ-2010):
Հիշեցնենք, որ Եվրոպայի գործող չեմպիոն Իսպանիայի հավաքականը պատմության մեջ երկրորդ անգամ էր դարձել աշխարհի չեմպիոն՝ կրկնելով 2010 թ․ հաջողությունը։
