25.09.2026 | 21:00
ԲԱՆԱՎԵՃ․ Պաշտպանվա՞ծ է ՀՀ-ն ռազմական հարձակումից․ անվտանգային համակարգը՝ 44-օրյայից 6 տարի անց
Իսպանիան հաղթեց Արգենտինային ու դարձավ աշխարհի չեմպիոն․ ՏԵՍԱՆՅՈՒԹ
20.07.2026 | 02:02
Ֆուտբոլի Իսպանիայի հավաքականը պատմության մեջ երկրորդ անգամ դարձավ աշխարհի չեմպիոն։
ԱՄՆ-ում, Կանադայում և Մեքսիկայում ավարտված աշխարհի առաջնության եզրափակիչում Եվրոպայի գործող չեմպիոնը լրացուցիչ ժամանակում 1։0 հաշվով հաղթեց Արգենտինայի հավաքականին, որը չկարողացավ պաշտպանել 4 տարի առաջ նվաճած տիտղոսը (տեսանյութ)։
Նյու Ջերսիի «Մետլայֆ Սթեդիում» մարզադաշտում կայացած հանդիպման հաղթական գոլը 106-րդ րոպեին խփեց «Բարսելոնայի» հարձակվող Ֆերան Տորեսը, որը դուրս էր եկել փոխարինման։ Նրան գոլային փոխանցում կատարեց փոխարինման մտած Նիկո Ուիլյամսը։
Իսպանիայի հավաքականն աշխարհի չեմպիոն դարձել էր նաև 2010 թվականին։
Ավելի վաղ ԱԱ-2026-ի բրոնզե մեդալակիր էր դարձել Անգլիայի հավաքականը, որը երրորդ տեղի համար խաղում 6։4 հաշվով հաղթել էր ֆրանսիացիներին։
ԱԱ-2026-ի լավագույն ռմբարկու դարձավ Ֆրանսիայի հավաքականի ու Մադրիդի «Ռեալի» հարձակվող Կիլիան Մբապեն, որը խփեց 10 գոլ։ Նա 2 գոլով գերազանցեց Արգենտինայի հավաքականի ավագ, ամերիկյան «Ինտեր Մայամիի» hարձակվող Լիոնել Մեսիին։
ԱԱ-2026, եզրափակիչ
Իսպանիա- Արգենտինա՝ 1։0
Ֆերան Տորես, 106
