18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
6-7 մլն դրամ հոսանքի պարտք ունենք. եթե անջատեն, 200 տոննա ձուկ կսատկի. ձկնաբույծ. ՏԵՍԱՆՅՈՒԹ
Տնտեսություն
18.07.2026 | 19:52
Ռուսաստանի սահմանափակումների հետևանքով Հայաստանի ձկնաբույծները շուրջ մեկուկես ամիս է՝ չեն կարողանում ո՛չ արտահանում իրականացնել, ո՛չ էլ իրացնել արտադրանքը ներքին շուկայում։ Այս մասին Factor TV-ի հետ զրույցում ասաց ձկնաբույծ Ռազմիկ Թադևոսյանը։
Թադևոսյանի խոսքով՝ իրենց տնտեսության ամենօրյա ծախսերը կազմում են շուրջ 2-2.5 մլն դրամ, մինչդեռ որևէ եկամուտ չեն ստանում։ Արդյունքում չեն կարողանում վճարել ձկան կերի, էլեկտրաէներգիայի, ինչպես նաև վարկերի սպասարկման ծախսերը։ Նա նաև նշեց, որ բանկերը ոլորտը բարձր ռիսկային համարելով՝ հրաժարվում են նոր ֆինանսավորում տրամադրել։
Նրա խոսքով՝ ներկայում իր տնտեսությունում կա շուրջ 200 տոննա ձուկ, իսկ օրական արտադրությունը կազմում է մոտ 1.5 տոննա։ Ձկնաբույծը նաև զգուշացրեց, որ երկար ժամանակ ջրավազաններում մնալու դեպքում ձուկը կորցնում է ապրանքային տեսքն ու որակը։ Բացի այդ, եթե կերի պակասի պատճառով դադարեցվի կերակրումը, կկորի նաև սաղմոնի բնորոշ կարմիր գույնը, ինչի հետևանքով կդառնա վաճառքի ոչ ենթակա; Նա ընդգծեց նաև էլեկտրաէներգիայի խնդիրը՝ նշելով, որ իր տնտեսության ամսական վճարը կազմում է շուրջ 6-7 մլն դրամ։
«Եթե հոսանքը թեկուզ մեկ ժամ անջատեն, տնտեսության բոլոր ձկները կսատկեն»,- Factor TV-ի հետ զրույցում նշեց Ռազմիկ Թադևոսյանը։
Մանրամասները՝ տեսանյութում։
Նարեկ Կիրակոսյան
