18.07.2026 | 16:19
Սպասվում է կարճատև անձրև և ամպրոպ
Սպանությանն օժանդակող 2 ոստիկանները կալանավորվել են․ ՔԿ
Հասարակություն
18.07.2026 | 15:40
Երեք տարի առաջ տեղի ունեցած սպանությանն օժանդակող 2 ոստիկանները կալանավորվել են։ «Արմենպրես»-ին այս մասին տեղեկացրեցին ՀՀ քննչական կոմիտեից։
Կառույցը 2026 թվականի հուլիսի 17–ին հաղորդագրություն էր տարածել, որտեղ նշվում էր, որ բացահայտվել է Ոստիկանության ծառայողների կողմից 2023 թվականին տեղի ունեցած սպանությանն օժանդակելու դեպքը։ Գործով ձերբակալվել էր 2 ոստիկան։
Նրանց նկատմամբ հարուցվել էր հանրային քրեական հետապնդում՝ Քրեական օրենսգրքի 46-155-րդ հոդվածի 2-րդ մասի 7-րդ, 8-րդ և 10-րդ կետերով (մի խումբ անձանց կողմից, շահադիտական դրդումներով, այլ անձանց կյանքի համար վտանգավոր եղանակով սպանությանն օժանդակելը):
Վերոնշյալ ոստիկանների բնակարաններում խուզարկություն էր իրականացվել։
Նախօրեին տեղեկացրել էինք, որ բացահայտվել է 2023 թվականին Երևանում տեղի ունեցած սպանության և սպանության փորձի գործով ոստիկանության երկու ծառայողի ենթադրյալ մասնակցությունը։
