27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
Google-ն AI-ի օգնությամբ վերստեղծել է Պելեի կարիերայի ամենագեղեցիկ գոլը․ ՏԵՍԱՆՅՈՒԹ
18.07.2026 | 14:52
Google-ը հրապարակել է բրազիլացի լեգենդար ֆուտբոլիստ Պելեի գոլերից մեկի վերստեղծած տեսանյութը։
Արհեստական բանականության տեխնոլոգիայի միջոցով մասնագետները վերստեղծել են բրազիլացու՝ «Սանթոսի» կազմում Թուրինի «Յուվենտուսի» դարպասը խփած գոլը 1959 թվականի օգոստոսի 2-ին Սան Պաուլուում կայացած խաղում։
Ըստ Պելեի՝ դա իր կարիերայի ամենագեղեցիկ գոլն էր։ Դարպասը գրավելուց առաջ հարձակվողը շրջանցել էր երեք պաշտպանի և դարպասապահին՝ թույլ չտալով, որ գնդակը դիպչի գետնին։ Գոլի որևէ տեսանյութ չի պահպանվել։
Նկարահանող խումբը գոլի դրվագը վերստեղծել է ուղիղ եթերում, ապա մշակել այն արհեստական բանականության միջոցով։ Տեսանյութում օգտագործվել են Gemini Omni և Veo մոդելները, որոնք կարողացել են վերստեղծել խաղացողների համազգեստները, տեսքը, գնդակը և հանդիսատեսին։
Նախագիծն իրականացվել է սպորտային պատմաբանների, գոլի ականատեսների հետ քննարկումների և գոլի գրավոր նկարագրությունների միջոցով։ Գոլի տեսանյութը տեղադրվել է Բրազիլիայում գտնվող Պելեի թանգարանում։
Բրազիլիայի հավաքականի կազմում աշխարհի եռակի չեմպիոն Պելեն կյանքից հեռացել է 2022 թվականին՝ 82 տարեկանում։
