Պետական միջոցներով վերակառուցված պոմպակայանը դարձել է մասնավոր սեփականություն․ Նոյեմբերյանի համայնքապետի գործը դատարանում է

Լուրեր

16.11.2026 | 13:40
ՌԴ նախագահի աշխատակազմը պատգամավորներին կոչ է արել պատրաստվել Ուկրաինայի դեմ պատերազմում «հաղթանակին»
16.11.2026 | 13:31
Ալեքսանդր Միշիև. «Անիրական զգացողություն է խաղալ ազգային հավաքականում». ՏԵՍԱՆՅՈՒԹ
16.11.2026 | 13:22
Նարատիվ է տարածվում, թե Երևանի իշխանությունը մարդկանց սորտավորում է․ Սուրեն Գրիգորյան․ ՏԵՍԱՆՅՈՒԹ
16.11.2026 | 13:18
Հայաստանի ձյուդոյի ֆեդերացիայի նախագահը վերընտրվել է
16.11.2026 | 13:14
ՆԳՆ-ի և Ճանապարհային ոստիկանության անունից կեղծ հաղորդագրություններ են տարածվում․ քաղաքացիներից փորձում են գումար հափշտակել
16.11.2026 | 13:05
Առաջին 20 տեսանյութերն ուղարկվել են ՆԳՆ. փոխքաղաքապետը՝ արգելված վայրերում կայանումների մասին․ ՏԵՍԱՆՅՈՒԹ
16.11.2026 | 13:01
Արթուր Վաղարշյանն ընտրվել է ՍԴ փոխնախագահ
16.11.2026 | 12:55
Amazon-ի 40 արբանյակներով Vulcan հրթիռը պայթել է արձակումից 10 րոպե անց. ՏԵՍԱՆՅՈՒԹ
16.11.2026 | 12:46
Երևանի երթևեկությանն անդրադառնում են մարդիկ, որոնք չեն պատկերացնում խնդիրը. Ավինյան․ ՏԵՍԱՆՅՈՒԹ
16.11.2026 | 12:38
Total Chess. Հայկ Մարտիրոսյանը չի կարողացել դուրս գալ կիսաեզրափակիչ
16.11.2026 | 12:30
Թուրքիայից Հայաստան առաջին կանոնավոր բեռնափոխադրման չվերթն է իրականացվել․ ԼՈՒՍԱՆԿԱՐՆԵՐ
16.11.2026 | 12:20
ՌԴ-ն հարվածել է Ուկրաինայի մի շարք շրջանների․ զոհեր և վիրավորներ կան
16.11.2026 | 12:10
Երևանում մեքենաների թիվը սահմանափակելու հարց կքննարկվի // Ձնախառն անձրևներ են սպասվում․ ԼՈՒՐԵՐ
16.11.2026 | 11:51
Չեխիայում հարյուր հազարավոր մարդիկ բողոքի ցույցի են դուրս եկել՝ ընդդեմ հանրային լրատվամիջոցների ֆինանսավորման բարեփոխումների
16.11.2026 | 11:41
Ադրբեջանի ներկայացուցիչները կժամանեն Հայաստան․սպասվում է քաղհասարակության նոր հանդիպումը
Բոլորը

Դատախազությունը Հակակոռուպցիոն դատարան է ուղարկել Նոյեմբերյանի համայնքապետ, նախկինում Կողբ համայնքը ղեկավարած Ա.Ա.-ի վերաբերյալ քրեական վարույթի նյութերը։ Ըստ մեղադրանքի՝ նա պաշտոնեական լիազորությունները չարաշահելով՝ նպաստել է, որ պետության միջոցներով վերակառուցված Բերդավանի պոմպակայանը դառնա մասնավոր ընկերության սեփականությունը, ինչի հետևանքով պետությանը պատճառվել է ավելի քան 70 մլն դրամի գույքային վնաս։

«Դատախազը 2026 թվականի հուլիսի 16-ին, հաստատված մեղադրական եզրակացությամբ, Հակակոռուպցիոն դատարան է հանձնել ներկայում Նոյեմբերյան համայնքի ղեկավար, 2005-2021 թվականներին Կողբ համայնքի ղեկավարի պաշտոնը զբաղեցրած Ա.Ա.-ի վերաբերյալ քրեական վարույթի նյութերը:

Քրեական վարույթով պարզվել է, որ Կողբ համայնքի նախկին ղեկավարն իր պաշտոնեական դիրքն ու իշխանական լիազորություններն օգտագործել է համայնքի և պետության շահերին հակառակ:

Մասնավորապես՝ Ա.Ա.-ն, տեղեկանալով, որ իրավաբանական անձին պատկանող հողատարածքում գտնվող պոմպակայանում պետության միջոցներով իրականացվելու են շինարարական աշխատանքներ, ապահովել է, որպեսզի պետության կողմից կատարված ներդրումների արդյունքը դառնա իրավաբանական ընկերության սեփականությունը:

Այդ նպատակով Ա.Ա.-ն ապօրինի կերպով «Հայջրմուղկոյուղի» ՓԲԸ-ին տվել է Կողբ համայնքի 1-ին փողոց 31/1 հասցեում գտնվող՝ սեփականության իրավունքով իրավաբանական անձին պատկանող հողամասում 1999 թվականին պետական միջոցներով կառուցված և 2009 թվականի դեկտեմբերից որպես ինքնակամ կառույց հաշվառված Բերդավանի պոմպակայանի բարելավման շինմոնտաժային աշխատանքներ իրականացնելու վերաբերյալ թույլտվությունը: Արդյունքում՝ պետական մարմնի կողմից կատարվել են 82 միլիոն 83 հազար դրամ արժողությամբ աշխատանքներ:

Այնուհետև, տեղյակ լինելով, որ նշված կառույցը պետական միջոցների հաշվին է կառուցված և որպես ինքնակամ կառույց ենթակա չէ օրինականացման, 2018 թվականի նոյեմբերի 12-ի որոշմամբ 200 հազար 600 դրամով, որպես ինքնակամ կառույց, հօգուտ իրավաբանական անձի՝ օրինական է ճանաչել պոմպակայանը և դրան կից կառույցները: Արդյունքում՝ պոմպակայանի նկատմամբ 2018 թվականի նոյեմբերի 15-ին գրանցվել է իրավաբանական ընկերության սեփականության իրավունքը:

Քրեական վարույթով հիմնավորվել է, որ նշված գործողությունների հետևանքով պետությանը պատճառվել է առանձնապես խոշոր չափերի՝ 70 միլիոն 62 հազար դրամ գույքային վնաս: Մասնավորապես՝ պետությունը ստիպված է եղել նույն անշարժ գույքը հողամասի հետ միասին 2024 թվականին իրավաբանական անձից ձեռք բերել 70 միլիոն 62 հազար դրամով, այն դեպքում, երբ նախկինում արդեն իսկ պետական միջոցների հաշվին իրականացրել էր պոմպակայանի վերակառուցման աշխատանքները՝ ներդնելով 82 միլիոն 83 հազար դրամ:

Դատախազի կողմից Ա.Ա.-ի նկատմամբ հարուցվել է հանրային քրեական հետապնդում՝ Քրեական օրենսգրքի 441-րդ հոդվածի 2-րդ մասի 2-րդ և 5-րդ կետերով պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը:

Ա.Ա.-ի նկատմամբ որպես խափանման միջոց կիրառված է գրավը:

Դատախազը 2026 թվականի հուլիսի 16-ին հաստատել է քրեական վարույթով մեղադրական եզրակացությունը և վարույթի նյութերը հանձնել Հակակոռուպցիոն դատարան»,- ասված է Դատախազության տարածած հաղրդագրությունում։