27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
Փաստաբանի մոտից հայտնաբերվել են թաքցված արգելված իրեր
Հասարակություն
15.07.2026 | 12:02
«Վարդաշեն» քրեակատարողական հիմնարկում դատապարտյալին այցելած փաստաբանի խուզարկության ընթացքում հայտնաբերվել են թաքցված բջջային հեռախոս, անլար ականջակալի պատյան և SIM քարտի պատյան։ Փաստաբանը ենթարկվել է վարչական պատասխանատվության։
«ՀՀ ԱՆ Քրեակատարողական ծառայության կենտրոնական մարմնի օպերատիվ վարչության «Վարդաշեն» տարածքային բաժնի ծառայողները, իրացնելով ստացված օպերատիվ տվյալները, խուզարկության են ենթարկել դատապարտյալին այցելած փաստաբանին:
Արդյունքում փաստաբանի մոտից հայտնաբերվել են թաքցված 1 բջջային հեռախոս՝ առանց բաժանորդային քարտի, 1 անլար ականջակալի պատյան և բաժանորդային քարտի պատյան՝ թղթե փաթեթով:
Հարկ է նշել, որ փաստաբանը, նախքան քրեակատարողական հիմնարկի բնակելի գոտի մուտք գործելը, սահմանված կարգով իրազեկվել է բնակելի գոտի մուտք գործելու արգելված իրերի հանձնման կանոնների մասին:
Փաստաբանը ենթարկվել է վարչական պատասխանատվության»,- ասված է ՔԿԾ-ի տարածած հաղրդագրությունում։
