19.10.2026 | 12:04
Զանգվածային ցույցերի ֆոնին Ֆրանսիայի ՆԳ նախարարը հրաժարական է տվել․ Մակրոնը չի ընդունել
Չէի ցանկանա կրակի վրա յուղ լցնել. Զատուլինը՝ ՀԱՊԿ նոր գլխավոր քարտուղարի նշանակման մասին
Քաղաքականություն
30.11.2018 | 13:48
Այս իրավիճակում չէի ցանկանա կրակի վրա յուղ լցնել: Երևանում «Լազարևյան ակումբի» առաջին լիագումար նիստի մեկնարկից առաջ լրագրողների հետ զրույցում այս մասին նշեց Ռուսաստանի Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը՝ անդրադառնալով ՀԱՊԿ նոր գլխավոր քարտուղարի շուրջ ստեղծված իրավիճակին:
«Այս իրավիճակը ստեղծվել է՝ կապված Հայաստանի ներկայացուցիչ Յուրի Խաչատուրովի հետկանչի հետ: Դեկտեմբերի 6-ին, ինչպես պայմանավորվել են երկրների ղեկավարներն Աստանայում, քննարկումը կշարունակվի: Ինձ համար դժվար է կանխատեսել, թե ինչ որոշում կընդունվի: Քաղաքական նկատառումներից ելնելով՝ ես չէի ցանկանա յուղ լցնել կրակի վրա և դատել, թե ում ճիշտ կլիներ նշանակել այդ պաշտոնում այս իրավիճակում, ում՝ ոչ»,- նշեց ռուսաստանցի պաշտոնյան:
Նա հավելեց, որ իրավիճակը ոչ ստանդարտ է, քանի որ ՀԱՊԿ-ի կանոնակարգով նման բան նախատեսված չէ. «Այդ կանոնները, փաստորեն, այս նախադեպով նորից կսահմանվեն»:
