05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Բաքվի վերաքննիչ դատարանում հայ գերիները հայտարարել են, որ իրենց մեղավոր չեն ճանաչում
Քաղաքականություն
10.07.2026 | 21:08
Հուլիսի 10-ին Բաքվի վերաքննիչ դատարանում շարունակվել է Արցախի ռազմաքաղաքական ղեկավարների շինծու գործերով դատավճիռների դեմ ներկայացված բողոքների քննությունը։ Դատական նիստին, որն անցկացվել է Բաքվի վերաքննիչ դատարանի դատավոր Էլմար Ռահիմովի նախագահությամբ ու դատավորներ Էմին Մեհդիևի և Մեհրիբան Գարաևայի մասնակցությամբ, մասնակցել են նաև հայ գերիների պաշտպանները, թարգմանիչները, այսպես կոչված, «տուժողների» ներկայացուցիչները, պետական մեղադրողներ Աբբաս Աբբասլին, Անար Ալեքբերովը և Սևինջ Գասիմովան։
Ադրբեջանական լրատվամիջոցների հաղորդմամբ՝ Արցախի նախկին նախագահ Արկադի Ղուկասյանին իր ելույթում հայտարարել է, որ իրեն մեղավոր չի ճանաչում առաջադրված մեղադրանքներում։
Այնուհետև ելույթ է ունեցել Վասիլի Բեգլարյանի պաշտպանը՝ խնդրելով դատարանին արդարացնել իր պաշտպանյալին և չեղյալ համարել 2026 թվականի փետրվարի 5-ի դատավճիռը։ Վասիլ Բեգլարյանը նույնպես նշել է, որ իրեն մեղավոր չի ճանաչում առաջադրված մեղադրանքներում։
Արցախի նախկին նախագահ Բակո Սահակյանի փաստաբանը նույնպես դատարանին խնդրել է արդարացման դատավճիռ կայացնել։ Բակո Սահակյանը հայտարարել է, որ իրեն մեղավոր չի ճանաչում քրեական գործի շրջանակում իրեն առաջադրված մեղադրանքներում։
Հաջորդ դատական նիստը տեղի կունենա հուլիսի 14-ին։
Թարգմանությունը՝ Էմմա Չոբանյանի
