13.03.2026 | 20:10
Ատելը փողով է․ ձեր քոմենթի համար կարող են մինչև 2 մլն դրամ պահանջել. ՏԵՍԱՆՅՈՒԹ
Ինչո՞ւ է կարճվել Վալերի Օսիպյանի քավոր Կարեն Կարապետյանի նկատմամբ հարուցված քրգործը
Հասարակություն
30.11.2018 | 13:33
Factor.am-ի տեղեկություններով՝ օրերս կարճվել է «Պետական եկամուտների կոմիտեի օպերատիվ հետախուզության վարչության պետ Կարեն Կարապետյանի նկատմամբ հարուցված քրեական գործը։
Լուրը փորձեցինք ճշտել Հատուկ քննչական ծառայությունից, որի վարույթում էլ քննվում էր Կարապետյանի գործը։
Մեզ հետ զրույցում ՀՔԾ մամուլի խոսնակ Մարինա Օհանջանյանն ասաց. «ՀՔԾ-ում քննվող Պետական եկամուտների կոմիտեի մի շարք աշխատակիցների վերաբերյալ քննվող գործը կարճվել է՝ հանցակազմի բացակայության պատճառով»։
Հիշեցնենք, որ ՀՀ ԿԱ ՊԵԿ ՕՀ վարչության պետ Կարեն Կարապետյանը ՀՀ ԱԱԾ պետի տեղակալ Արզուման Հարությունյանի եղբոր՝ ԲԴԽ նախագահ Գագիկ Հարությունյանի սանիկն է, ոստիկանապետ Վալերի Օսիպյանի քավորն ու ռուսաստանաբնակ մեծահարուստ Արմեն Գինոսյանի հովանավորյալը։
Նրա նշանակումը ՊԵԿ-ում համարվեց ՊԵԿ ղեկավար Դավիթ Անանյանի սկանդալային նշանակումներից մեկը։
Ըստ մամուլի հրապարակումների՝ Կենտրոնի հարկային տեսչության պետ եղած ժամանակ Կարապետյանը եղել է ժամով ռեկետ հավաքող, նրա անունն անցնում է նաև կաշառքի գործով։
Օգտվելով իր զբաղեցրած պաշտոնից, կրկին ըստ հրապարակումների, իրեն պատկանող ընկերության՝ «Պլենիում» ՍՊԸ-ի համար արտոնյալ պայմաններ է ստեղծել՝ մրցակից ընկերություններին դուրս մղելով շուկայից։ Անհարկի ստուգումներ է իրականացրել նաև մրցակից ընկերություններում, տուգանել է, անհավասար պայմաններ է ստեղծել նրանց գործունեության համար։
