08.07.2026 | 20:47
Թրամփը սպառնում է չորեքշաբթի երեկոյան Իրանի դեմ նոր հարվածներով
ՆԳ նախարարին կից հասարակական խորհրդի նիստում քննարկվել է ՀՀ-ԵՄ վիզաների ազատականացման գործընթացը
Հասարակություն
08.07.2026 | 20:20
ՆԳ նախարար Արփինե Սարգսյանի գլխավորությամբ հուլիսի 7-ին տեղի է ունեցել ՆԳ նախարարին կից հասարակական խորհրդի հերթական նիստը, որի ընթացքում քննարկվել են ՀՀ-ԵՄ վիզաների ազատականացման երկխոսության շրջանակում արձանագրված առաջընթացն ու Գործողությունների ծրագրի կատարման ընթացքը։
Արփինե Սարգսյանը, որը Հայաստանի կողմից գլխավոր բանակցողն է վիզաների ազատականացման գործընթացում, նշել է, որ երկխոսությունն ակտիվ փուլում է։ Նրա խոսքով՝ Եվրոպական հանձնաժողովը դրական է գնահատել Հայաստանի արձանագրած առաջընթացը, մասնավորապես՝ կենսաչափական համակարգերի, սահմանների կառավարման, միգրացիայի և ապաստանի ոլորտներում։
Նախարարը շեշտել է, որ վիզաների ազատականացումը պետք է դիտարկել ոչ միայն որպես առանց վիզայի տեղաշարժի հնարավորություն, այլև որպես պետական կառավարման համակարգի որակական բարեփոխումների կարևոր գործիք։ Նա նաև հայտնել է, որ նախատեսվում է՝ կենսաչափական համակարգը Հայաստանում ամբողջությամբ գործարկվի 2026 թվականի աշնանը։
ՆԳՆ-ի փոխանցմամբ՝ նիստի ընթացքում հասարակական խորհրդի անդամները ներկայացրել են իրենց դիտարկումներն ու առաջարկությունները։
