16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Էդուարդ Սպերցյանը միացել է «Ալ Ահլիին» ու անցկացրել առաջին մարզումը․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
08.07.2026 | 09:30
Հայաստանի ազգային հավաքականի ավագ Էդուարդ Սպերցյանը միացել է սաուդյան «Ալ Ահլիին», որն այս օրերին հավաք է անցկացնում Ավստրիայում։
26-ամյա կիսապաշտպանն առաջին մարզումն է անցկացրել Սաուդյան Արաբիայի ավարտված առաջնության բրոնզե մեդալակրի կազմում, հաղորդում է ակումբի մամուլի ծառայությունը։
Էդուարդ Սպերցյանը ռուսական «Կրասնոդարից» է տեղափոխվել «Ալ Ահլի», որը ոչ պաշտոնական տվյալներով 20-25 միլիոն եվրո է վճարել գործարքի համար։ Ավելի վաղ հայտնի էր դարձել, որ «Ալ Ահլիում» հայ ֆուտբոլիստի տարեկան աշխատավարձը կկազմի 6 միլիոն եվրո` գումարած բոնուսները։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 185 հանդիպում, դարձել 58 գոլի ու 44 գոլային փոխանցման հեղինակ։ Transfermarkt-ը 25 միլիոն եվրո է գնահատում նրա տրանսֆերային արժեքը։
«Ալ Ահլին» Ասիայի Չեմպիոնների լիգայի գործող հաղթողն է։ Թիմը Սաուդյան Արաբիայի 9-ակի չեմպիոն է։
Pushing harder everyday ⚽💪#AlAhli pic.twitter.com/SHhML5cybn
— Al-Ahli Saudi Club (@ALAHLI_FCEN) July 7, 2026
