07.07.2026 | 16:30
Վարազդատ Հարոյանը նոր ակումբ ունի
2012 թ-ին ՊՆ-ի վաճառած հողամասի առուվաճառքի պայմանագիրն անվավեր է ճանաչվել
Հասարակություն
07.07.2026 | 15:31
Հակակոռուպցիոն դատարանը բավարարել է Գլխավոր դատախազության հայցը և անվավեր ճանաչել ՀՀ պաշտպանության նախարարության ու ֆիզիկական անձի միջև 2012 թվականին կնքված՝ Երևանի Ծարավ Աղբյուր փողոցում գտնվող 261,5 քմ հողամասի առուվաճառքի պայմանագիրը։ Քանի որ հողամասը վերադարձնելու անհնարինություն կա, վճիռն ուժի մեջ մտնելուց հետո ֆիզիկական անձը պետությանը կվերադարձնի 2 մլն 490 հազար դրամ։
«Հակակոռուպցիոն դատարանը 2026 թվականի հունիսի 23-ի վճռով բավարարել է Գլխավոր դատախազության հայցը և անվավեր է ճանաչել ՀՀ պաշտպանության նախարարության և ֆիզիկական անձի միջև 2012 թվականի դեկտեմբերի 23-ին կնքված՝ Երևան քաղաքի Ծարավ Աղբյուր փողոցի 61/11 հասցեում գտնվող՝ 261,5 քմ մակերեսով հողամասի առուվաճառքի պայմանագիրը:
Նկատի ունենալով, որ առկա է նշված հողամասը վերադարձնելու անհնարինություն, վճիռն օրինական ուժի մեջ մտնելուց հետո, որպես երկկողմանի ռեստիտուցիա, ֆիզիկական անձը պետությանը կվերադարձնի գույքի ձեռքբերման պահի դրությամբ շուկայական արժեքի տարբերությունը՝ 2 միլիոն 490 հազար դրամը»,- ասված է ՀՀ գլխավոր դատախազության տարածած հաղորդագրությունում։
