06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Կայացել է Կիոկուշին կարատեի հերթական մրցաշարը
07.07.2026 | 12:32
Սևան քաղաքում կայացել է Կիոկուշին կարատեի Գեղարքունիքի առաջնությունը։ Մրցմանը մասնակցել են շուրջ 150 մարզիկներ ինչպես մարզերից, այնպես էլ Երևանից։ Հայաստանի Կիոկուշին կարատեի ֆեդերացիայի նախագահ Անդրանիկ Հակոբյանի խոսքով՝ մրցաշարը կարևոր է մարզերում մարզաձևի զարգացման հարցում։
«Սևան քաղաքում Կիոկուշին կարատեի ակումբը գործում է շուրջ 15 տարի։ Գեղարքունիքի մարզի առաջնությունն ամեն տարի անցկացվում է Սևանում։ Մարզերում գերակշռող մաս են կազմում պատանի մարզիկները, և նմանատիպ մրցումները կարևոր են նրանց զարգացման գործում։ Սևան քաղաքն է ներկայացնում մեր ամենատիտղոսակիր մարզիկներից Էլեն Եփրեմյանը։ Մարզերից մենք ընտրում ենք լավագույն սաներին, որոնք հետագայում տեղափոխվում են Երևան և մարզումները շարունակում մայրաքաղաքում։ Մարզերից Երևան տեղափոխված բոլոր պատանի մարզիկների համար մարզումներն անվճար են։ Հաջորդ մարզային առաջնությունն անցկացնելու ենք Վայոց Ձորի մարզում՝ Վայք քաղաքում»,- Անդրանիկ Հակոբյանի խոսքը մեջբերում է Հայաստանի Կիոկուշին կարատեի ֆեդերացիայի մամուլի ծառայությունը։
