03.07.2026 | 19:28
2025-ին ընկերության զուտ շահույթը 2024-ի համեմատ աճել է շուրջ 3.0 մլրդ ՀՀ դրամով. ՀԷՑ
Սոլակից «Շևրոլե» էր գողացել․ 22-ամյա կասկածյալը հայտնաբերվել է Մասիսում
Հասարակություն
03.07.2026 | 18:26
Կոտայքի մարզի Սոլակ գյուղից գողացված «Շևրոլե» մակնիշի ավտոմեքենան հայտնաբերվել է մեկ օր անց Մասիս քաղաքում։ Ոստիկանության ծառայողների համատեղ միջոցառումների արդյունքում պարզվել է, որ մեքենան, ըստ նախնական տվյալների, գողացել է Սոլակի 22-ամյա բնակիչը, որը ներկայացվել է նախաքննական մարմին։
Հունիսի 30-ի առավոտյան 112 ծառայություն ահազանգած Կոտայքի մարզի Սոլակ գյուղի մի բնակիչ հայտնել էր, որ գողացել են տան մոտ կայանված «Շևրոլե» մակնիշի իր մեքենան։
«Կոտայքի մարզային քննչական վարչությունում նախաձեռնվեց քրեական վարույթ, որի շրջանակում Հրազդանի համայնքային ոստիկանների ձեռնարկած միջոցառումներն արագ արդյունք տվին Համայնքային ոստիկանության Մասիսի բաժնի գործընկերների և Արարատի մարզի պարեկների հետ համագործակցության շնորհիվ։
Պարզվեց, որ մեքենան գողացել է Սոլակ գյուղի բնակիչ 22-ամյա երիտասարդը։ Հուլիսի 1-ին երիտասարդն ու գողացված մեքենան հայտանաբերվեցին Մասիս քաղաքում և տեղափոխվեցին Հրազդանի բաժին։
Երիտասարդը ներկայացվել է նախաքննական մարմին։
Նախաքննությամբ հանգամանքները պարզվում են»,- ասված է հաղորդագրությունում։
