15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
«Արտյոմին ու Գոռին չոտկի կտաս, մնացածին՝ 20 պակաս ես տալում, հարցը լուծվում ա»․ ՀԿԿ ձայնագրություն
Հասարակություն
03.07.2026 | 11:11
Հակակոռուպցիոն կոմիտեն հայտնել է, որ ԱԱԾ-ի հետ համատեղ իրականացված միջոցառումների արդյունքում նախաձեռնված քրեական վարույթով տվյալներ են ստացվել, որ «Ուժեղ Հայաստան» կուսակցության Գավառի գրասենյակի պատասխանատուն համակիրների հետ խմբով ընտրողներին տարբեր չափերի ընտրակաշառք է տվել՝ Ազգային ժողովի ընտրություններում կուսակցության օգտին քվեարկելու դիմաց։ Գործի շրջանակում ձերբակալվել են մի շարք անձինք, իրականացվել են խուզարկություններ և այլ վարութային գործողություններ։
«ՀՀ հակակոռուպցիոն կոմիտեի և ՀՀ ազգային անվտանգության ծառայության կողմից իրականացված միջոցառումների հիման վրա Հակակոռուպցիոն կոմիտեում նախաձեռնված վարույթով փաստական տվյալներ են ստացվել այն մասին, որ «Ուժեղ Հայաստան» կուսակցության Գավառ համայնքի գրասենյակի պատասխանատուն նույն կուսակցության համակիրների հետ խմբի կազմում Ազգային ժողովի ընտրություններին հիշյալ կուսակցության օգտին քվեարկելու պայմանով մի շարք ընտրողների տվել են տարբեր չափերի ընտրակաշառք:
Դեպքի առթիվ ՀՀ հակակոռուպցիոն կոմիտեում նախաձեռնված քրեական վարույթով ձերբակալվել են մի շարք անձինք, կատարվել են խուզարկություններ և վարութային այլ գործողություններ»,- ասված է հաղորդագրությունում։
