15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Փաշինյանը Թեհրան է մեկնել ոչ թե կառավարական, այլ մասնավոր` FlyOne-ի ինքնաթիռով
03.07.2026 | 10:23
ՀՀ վարչապետ Նիկոլ Փաշինյանն աշխատանքային այցով ժամանել է Իրանի Իսլամական Հանրապետություն: Այս մասին հայտնում է ՀՀ կառավարությունը։
Թեհրանի «Մեհրաբադ» միջազգային օդանավակայանում ՀՀ վարչապետին դիմավորել է Իրանի նախագահի տեղակալ Սեյեդ Համիդ Փուրմոհամմադին:
Վարչապետ Փաշինյանն այսօր կմասնակցի ԻԻՀ հանգուցյալ գերագույն առաջնորդ Ալի Խամենեիի հրաժեշտի պաշտոնական արարողությանը:
Վարչապետի գրասենյակի կողմից հրապարակված կադրերից պարզ է դառնում, որ Փաշինյանը Թեհրան է մեկնել, ոչ թե ՀՀ ղեկավար կազմին սպասարկող թիվ մեկ ինքնաթիռով, այլ մասնավոր FlyOne Armenia ընկերության ինքնաթիռով։
Թե ինչու է Փաշինյանը մասնավոր չվերթով մեկնել Իրան, վարչապետի գրասենյակից դեռ Factor TV-ի հարցին չեն պատասխանել։
Նշենք, որ այս ընկերությունը պատկանում է ԱԺ ՔՊ խմբակցության պատգամավոր, խոշոր գործարար Խաչատուր Սուքիասյանի ընտանիքին։ Բարձրաստիճան պաշտոնյաները հաճախակի են այս ընկերության չարտերային թռիչքներով գործուղումների մեկնում։ Նախագահ Վահագն Խաչատուրյանը, օրինակ, Վրաստան էր մեկնել, ԱԱԾ տնօրեն Անդրանիկ Սիմոնյանը` Ադրբեջան։
Նախագահի աշխատակազմից հրաժարվել էին Factor TV-ին հայտնել, թե պետբյուջեից որքան գումար էին հատկացրել չարտերային թռիչքի համար։
Նարեկ Կիրակոսյան
