ԱՄՆ-ում, Կանադայում և Մեքսիկայում ընթացող ֆուտբոլի աշխարհի առաջնության 1/8 եզրափակիչում կկայանա Իսպանիա – Պորտուգալիա դիմակայություն։
1/16 եզրափակիչում պորտուգալացիները մրցեցին Խորվաթիայի հավաքականի հետ ու կամային հաղթանակ տարան 2:1 հաշվով (տեսանյութ):
Տորոնտոյում կայացած հանդիպման բոլոր գոլերը գրանցվեցին երկրորդ խաղակեսում։
Խաղի հաշիվը 51-րդ րոպեին բացեց նիդերլանդական «ՊՍՎ Էնդհովենի» խորվաթ կիսապաշտպան Իվան Պերիշիչը։
Պորտուգալացիների պատասխան գոլը 68-րդ րոպեին խփեց Կրիշտիանու Ռոնալդուն։ Սաուդյան «Ալ Նասրի» 41-ամյա հարձակվողն անվրեպ իրացրեց 11-մետրանոցը` խփելով առաջին գոլն աշխարհի առաջնությունների փլեյ-օֆֆում։ Պորտուգալիայի հավաքականին ավելացված ժամանակում հաղթանակ պարգևեց իտալական «Միլանի» նորեկ Գոնսալու Ռամուշը։
Ավելի վաղ Իսպանիայի հավաքականը 1/16 եզրափակիչում 3:0 հաշվով ուժեղ էր գտնվել Ավստրիայի հավաքականից։ Իսպանիա – Պորտուգալիա հանդիպումը կկայանա հուլիսի 6-ին Տեխասում։
ԱԱ-2026, 1/16 եզրափակիչ
Պորտուգալիա – Խորվաթիա` 2:1
Կրիշտիանու Ռոնալդու, 68 (11մ), Գոնսալու Ռամուշ, 90+4 – Իվան Պերիշիչ, 53
