03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
Կալանավորվել է գնդապետ Էդիկ Մալոյանը
Հասարակություն
02.07.2026 | 23:29
Գնդապետ Էդիկ Մալոյանը և ևս մեկ անձ կալանավորվել են։ Այս մասին Factor.am-ին հայտնեցին ՀՀ քննչական կոմիտեից։
ՀՀ քննչական կոմիտեն հայտնել էր, որ պետական գաղտնիք պարունակող տեղեկությունների ապօրինի ձեռքբերման և հրապարակման վերաբերյալ քրեական վարույթի շրջանակում հանրային քրեական հետապնդում է հարուցվել ՀՀ ՊՆ զորամասի հրամանատար, գնդապետ Էդիկ Մալոյանի նկատմամբ։
ՔԿ-ի տվյալներով՝ Մալոյանը, չունենալով համապատասխան գաղտնի տեղեկություններին ծանոթանալու իրավունք, դրդել է այդ իրավունքն ունեցող զինծառայողին հրապարակել պետական գաղտնիք պարունակող տեղեկություն, այնուհետև հրապարակել է նաև իր կողմից ապօրինի ձեռք բերված գաղտնի տվյալները։
Նույն գործով պետական գաղտնիք պարունակող տեղեկություններ հրապարակելու մեղադրանք է առաջադրվել նաև Ռ. Ջ.-ին։
