28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Մենք ձեզ հետ ենք․ ֆոն դեր Լայենի հայերեն գրառումը
Քաղաքականություն
02.07.2026 | 13:14
Եվրահանձնաժողովի ղեկավար Ուրսուլա ֆոն դեր Լայենը Հայաստան այցի վերաբերյալ գրառում է արել X-ի իր միկրոբլոգում։
«Լավ է այսքան շուտ վերադառնալ Երևան։ Վերջին ընտրությունները ևս մեկ անգամ ցույց տվեցին Հայաստանի ժողովրդավարության ուժը։ Հայաստանը շարունակում է բարեփոխումների ուղին և մոտենում է Եվրոպային։ Դրա համար ես այստեղ եմ պարզ ուղերձով. Հայաստանը կարող է հույսը դնել մեզ վրա»,- նշել է նա և հայերենով հավելել․ «Մենք ձեզ հետ ենք»:
Եվրահանձնաժողովի ղեկավարն առանձին գրառումներով անդրադարձել է ՀՀ վարչապետ Նիկոլ Փաշինյանի հետ բանակցությունների արդյունքներին։ Նա նշել է, որ Հայաստանը կատարել է իր ինքնիշխան ընտրությունը։
«Եվ դրա համար դուք բախվում եք Ռուսաստանի կողմից զգալի տնտեսական ճնշման։ Երբ մեր գործընկերների վրա ճնշումը մեծանում է, մենք առաջ ենք շարժվում։ Մենք կամրապնդենք և կդիվերսիֆիկացնենք Հայաստանի առևտուրն ու տնտեսությունը»,- ընդգծել է ֆոն դեր Լայենը։
Նա հայտնել է, որ ունեն 52 միլիոն եվրոյի փաթեթ՝ Հայաստանի տնտեսությունն ամրապնդելու համար։
«Եվ այսօր մենք ներկայացնում ենք առաջարկ՝ ԵՄ արտահանման 80%-ը դարձնել առանց մաքսատուրքի։ Սա կօգնի այն ապրանքները, որոնք այսօր մեծապես կախված են ռուսական շուկայից, վերաուղղորդել դեպի ԵՄ։ Այն ներառում է Հայաստանից Ռուսաստան արտահանվող գրեթե բոլոր թարմ մրգերը, բանջարեղենը և բույսերը»,- հայտարարել է Եվրահանձնաժողովի ղեկավարը։
Թարգմանությունը՝ Էմմա Չոբանյանի
