15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ռուսական կողմի հետ TRIPP-ի վերաբերյալ քննարկում չենք տանում. փոխարտգործնախարար․ ՏԵՍԱՆՅՈՒԹ
Քաղաքականություն
01.07.2026 | 14:44
Արտաքին գործերի նախարարի տեղակալ Մնացական Սաֆարյանը լրագրողների հետ ճեպազրույցում ասաց, որ այս փուլում TRIPP նախագիծն իրականացնելու համար ռուսական կողմի ներգրավվածության հարց օրակարգում չկա։
Հարցին՝ արդյոք ապագայում կարող է քննարկվել Մոսկվայի մասնակցությունը նախագծին, Սաֆարյանը հրաժարվեց պատասխանել` նշելով, որ չի ցանկանում ապագայի վերաբերյալ սպեկուլյացիաների մեջ մտնել։
Նրա խոսքով՝ Հայաստանը շարունակում է մնալ Եվրասիական տնտեսական միության (ԵՏՄ) անդամ, ուստի նախագծի շրջանակում տարանցման գործընթացները կիրականացվեն ԵՏՄ գործող կանոնակարգերով։
«ԵՏՄ մաքսային կարգավորումները մեր մաքսային մարմիններն են իրականացնում, այնպես որ մենք այդտեղ հարց չենք տեսնում»,- նշեց նա՝ հավելելով, որ Ռուսաստանի հետ այդ առումով որևէ խնդիր այս փուլում չի ծագել։
Անդրադառնալով հարցին, թե արդյոք ռուսական կողմը երկկողմ հանդիպումների ընթացքում բարձրացնում է TRIPP-ում իր մասնակցության հարցը, Սաֆարյանը պատասխանեց, որ Հայաստանի և Ռուսաստանի երկկողմ օրակարգում նման թեմա ներկայումս չկա։
Փոխարտգործնախարարը հավելեց, որ նախագծի գործնական աշխատանքները շարունակվում են, ստորագրված համաձայնագրերը կուղարկվեն վավերացման, սակայն երկաթուղային կամ այլ ենթակառուցվածքային աշխատանքների մեկնարկի հստակ ժամկետներ չնշեց։
Նրա խոսքով՝ ծրագրի ավարտի ժամանակացույցի վերաբերյալ ևս այս պահին կոնկրետ տեղեկություն չկա։
Մանրամասները` տեսանյութում:
