Բաքվի դատարանում հայ գերիները հայտարարել են, որ իրենց մեղավոր չեն ճանաչում. փաստաբանները խնդրել են արդարացնել

Լուրեր

16.11.2026 | 23:32
Սևանի մակարդակը մեկ շաբաթում իջել է 1 սմ-ով․ տարեսկզբի համեմատ աճը 31 սմ է
16.11.2026 | 23:22
Լուսինե Բեկչյանն ազատվել է ԱԺ նախագահի օգնականի պաշտոնից
16.11.2026 | 23:01
Նոր Ջեյմս Բոնդը կլինի Ռոբերտ Պատինսոնը
16.11.2026 | 22:44
Երևանի Ֆուչիկի փողոցն առաջարկվում է անվանափոխել կոմպոզիտոր Վլադիլեն Բալյանի անունով
16.11.2026 | 22:26
Ձմեռային անվադողերի պարտադիր պահանջը խախտել է 400 վարորդ, որից 63-ը՝ Երևանում
16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
Բոլորը

Բաքվի վերաքննիչ դատարանում հունիսի 30-ին շարունակվել է Արցախի ռազմաքաղաքական ղեկավարների և մյուս գերիների շինծու գործերով դատավճիռների դեմ ներկայացված վերաքննիչ բողոքների քննությունը։ Ադրբեջանական լրատվամիջոցների փոխանցմամբ՝ դատական նիստում, որն անցկացվել է Բաքվի վերաքննիչ դատարանի դատավոր Էլմար Ռահիմովի նախագահությամբ ու դատավորներ Էմին Մեհդիևի և Մեհրիբան Գարաևայի մասնակցությամբ, հայ գերիներին տրամադրվել են թարգմանիչներ իրենց տիրապետած լեզուներով՝ հայերեն և ռուսերեն, ինչպես նաև փաստաբաններ՝ նրանց պաշտպանությունն ապահովելու համար։​

Նիստին մասնակցել են, այսպես կոչված, «տուժողների» ներկայացուցիչները, պետական ​​մեղադրողներ Աբբաս Աբբասլին, Անար Ալեքբերովը և Սևինջ Գասիմովան։

Սկզբում նշվել է, որ  հայ գերիներից Մադաթ Բաբայանին ու Դավիթ Բաբայանին պաշտպանող երկու փաստաբաններից մեկնը առողջական խնդիրների պատճառով չի կարողացել մասնակցել դատական ​​նիստին։ Այդ պատճառով նրանց համար նշանակվել են նոր պաշտպաններ։ Հայ գերիները չեն առարկել նրանց մասնակցության դեմ։

Այնուհետև Արցախի ԱԺ նախագահ Դավիթ Իշխանյանը դիմել է դատարանին՝ նշելով, որ ցանկանում է ներկայացնել իր կողմից պատրաստված մեկնաբանությունները՝ դատական ​​արձանագրություններին ծանոթանալուց հետո։

Իշխանյանին տեղեկացվել է, որ քանի որ արձանագրությունների վերաբերյալ մեկնաբանություններն ադրբեջաներեն չեն, դրանք պետք է ներկայացվեն դատարան թարգմանությունից հետո։ Նշվել է, թե մեկնաբանությունները պետք է ներկայացվեն գրավոր, այլ ոչ թե բանավոր, և ադրբեջաներեն։ Դավիթ Իշխանյանը խնդրել է պայմաններ ստեղծել թարգմանչին իր դիտողությունները տրամադրելու համար։ Նախագահող դատավորը նշել է, որ համապատասխան հնարավորություն կտրվի։

Իր հերթին, Արցախի նախկին ԱԳ նախարար Դավիթ Բաբայանը խնդրել է պայմաններ ստեղծել իր նորանշանակ պաշտպանին հանդիպելու համար։

Դատական ​​նիստը շարունակվել է պաշտպանական կողմի կողմից բողոքները հիմնավորող ելույթներով։ Դավիթ Ալլահվերդյանի պաշտպանը դատարանին խնդրել է իր պաշտպանյալի նկատմամբ արդարացնող դատավճիռ կայացնել։ Ալլահվերդյանը նշել է, որ ինքը կողմ է իր պաշտպանի ներկայացրած վերաքննիչ բողոքին և համաձայն է դրանում ներկայացված փաստարկների հետ։

Այնուհետև ելույթ է ունեցել Մելիքսեթ Փաշայանի պաշտպանը։ Նա դատարանին խնդրել է չեղարկել վերջինիս նկատմամբ 2026 թվականի փետրվարի 5-ի կայացրած մեղադրական դատավճիռը և արդարացման դատավճիռ կայացնել։ Մելիքսեթ Փաշայանն ասել է, որ աջակցում է իր պաշտպանի արտահայտած դիրքորոշմանը։ Նա նշել է, որ իրեն մեղավոր չի ճանաչում առաջադրված մեղադրանքում։

Այնուհետև ելույթ է ունեցել Դավիթ Իշխանյանի պաշտպանը։ Նա դատարանին խնդրել է չեղյալ համարել Իշխանյանի դեմ 2026 թվականի փետրվարի 5-ի դատավճիռը և կայացնել արդարացման դատավճիռ։

Դատական ​​նիստն ընդմիջվել է՝ հայ գերիների և նրանց պաշտպանների միջև առանձին հանդիպումներ կազմակերպելու համար։

Հաջորդ դատական ​​նիստը տեղի կունենա հուլիսի 3-ին։

Թարգմանությունը՝ Էմմա Չոբանյանի