20.10.2026 | 19:00
ՔՊ-ի օգտին քվեարկելու դիմաց երեք անձի արտոնություններ է տրամադրվել․ Հրազդանի համայնքապետարանի պաշտոնյան տնային կալանքի տակ է
Գյուղատնտեսության նախարարությունը պիլոտային ծրագիր կիրականացնի մի քանի մարզերում․ ՏԵՍԱՆՅՈՒԹ
Քաղաքականություն
29.11.2018 | 14:13
Գյուղատնտեսության նախարարի պաշտոնակատար Գեղամ Գևորգյանը հավաստիացնում է, որ այն մթերքների շուկան, որոնք մեծ սպառման ծավալ ունեն, մշտապես ուսումնասիրվում են, որպեսզի չհիմնավորված թանկացումներ չլինեն։
Այս մասին այսօր Կառավարության նիստի ավարտից հետո լրագրողների հետ զրույցում ասաց նախարարի պաշտոնակատարը՝ շեշտելով, որ այդ մթերքների թվում են միսը, կարտոֆիլը, ձուն, պանիրը, վարունգը։
«Մենք ուսումնասիրություն կանենք և տեղեկատվությունը կներկայացնենք ձեզ։ Իհարկե, Ազգային վիճակագրական կոմիտեի կողմից հրապարակված վիճակագրություն ունենք, որտեղ թվերի լուրջ փոփոխություն չկա, սակայն մամուլում տեղ գտած հրապարակումների հիման վրա ուսումնասիրություններ ենք կատարվում»,–ասաց Գևորգյանը։
Նախարարի պաշտոնակատարը նաև առանձնացեց գյուղատնտեսության ոլորտի ապահովագրության խնդիրը և նշեց, որ ապահովագրական այն լուծումը, որն առաջարկում է նախարարությունը, ամբողջությամբ նորություն է և երբևէ գյուղատնտեսության ոլորում չի եղել:
«Մեկնարկը կտրվի 2019 թվականին՝ պիլոտային ծրագրի տեսքով: Նախնական այն կներդրվի Արարատի, Արմավիրի մարզերում՝ որոշ մշակաբույսերի հետ կապված: Քննարկվում է Շիրակի մարզում ևս ներդնելու հարցը»,-ասաց նա։
Մանրամասները՝ տեսանյութում:
