21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Տաքսու վարորդներն ու բոլոր գրանցված աշխատողները հունվարի 1-ից առողջության ապահովագրություն կունենան․ ՏԵՍԱՆՅՈՒԹ
30.06.2026 | 13:16
Հունվարի 1-ից առողջության համընդհանուր ապահովագրության շահառուների թիվն աճել է՝ հասնելով շուրջ 1 միլիոն 700 հազարի։ Այս աճը պայմանավորված է ռեզիդենտների թվի ավելացմամբ (ովքեր Հայաստանում են 183 օր և ավելի) և 200,000 դրամից բարձր աշխատավարձ ստացողների ներգրավմամբ։ Այս մասին ասուլիսի ժամանակ ասաց Առողջապահության նախարար Անահիտ Ավանեսյանը։
Նախարարի խոսքով՝ 2027թ. հունվարի 1-ից համակարգին կմիանան քաղաքացիաիրավական պայմանագրով աշխատողները, տաքսի ծառայության վարորդները և բոլոր գրանցված աշխատողները՝ անկախ աշխատավարձի չափից։
2028թ. հունվարի 1-ից կներառվեն բոլոր քաղաքացիները, այդ թվում՝ գյուղացիական տնտեսություններում զբաղվածները և ուսանողները։ Նպատակն է ունենալ 3 միլիոն ապահովագրված բնակիչ։
Ավանեսյանը նաև հայտնեց, որ 1,7 միլիոն շահառուից արդեն ծառայություններից օգտվել է 842,750 անձ:
Մանրամասները՝ տեսանյութում։
