26.07.2026 | 11:50
Հրաձգության Հայաստանի հավաքականը հաղթել է շարժվող թիրախ մրցաձևի աշխարհի առաջնության մեդալային հաշվարկում
Օդաճնշիչ ատրճանակից կրակել է գետնին․ նախաձեռնվել է քրեական վարույթ
Հասարակություն
30.06.2026 | 11:27
Քննչական կոմիտեի տվյալներով՝ պայմանագրային զինծառայողը Վանաձորի ամայի տարածքում, համոզված լինելով, որ շրջակայքում քաղաքացիներ չկան, իրեն պատկանող, նախնական տվյալներով՝ օդաճնշիչ ատրճանակից մի քանի անգամ կրակել է գետնին։ Դեպքի վայր մոտեցած ոստիկանին նա ինքնակամ ներկայացրել է ատրճանակը և հայտնել, որ այն իրեն է պատկանում։ Դեպքի առթիվ նախաձեռնվել է քրեական վարույթ, իսկ իրավապահները նշում են, որ մամուլում տարածված՝ որպես դեպքի վայր ներկայացվող լուսանկարները չեն համապատասխանում իրականությանը։
«Պայմանագրային զինծառայողը Վանաձոր քաղաքի ամայի տարածքում համոզված լինելով, որ մոտակայքում քաղաքացիներ չկան, իրեն պատկանող, նախնական տվյալներով՝ օդաճնշիչ ատրճանակով, որը լիցքավորված է եղել մանր գնդիկներով, մի քանի անգամ կրակել է գետնին:
Այդ ընթացքում նրան է մոտեցել տարածքում շրջիկ ծառայություն իրականացնող ոստիկանը, ում զինծառայողն ինքնակամ ներկայացրել է ձեռքին եղած օդաճնշիչ ատրճանակը և հայտնել, որ այն պատկանում է իրեն:
Մամուլում որպես դեպքի վայր ներկայացվում են լուսանկարներ, որոնք իրականությանը չեն համապատասխանում:
Նախաձեռնվել է քրեական վարույթ՝ դեպքի հանգամանքները պարզելու ուղղությամբ»,- ասված է ՔԿ-ի տարածած հաղորդագրւթյունում։
