24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Սալոմե Զուրաբիշվիլին՝ Վրաստանի նախագահ. հաշվարկվել է քվեաթերթիկների շուրջ 99%-ը
Քաղաքականություն
29.11.2018 | 12:06
Վրաստանի Կենտրոնական ընտրական հանձնաժողովը հաշվարկել է նախագահական ընտրությունների երկրորդ փուլի քվեաթերթիկների 98.76%-ը:
Նախնական պաշտոնական տվյալներով՝ շրջանների մեծ մասում հաղթել է իշխող «Վրացական երազանք» կուսակցությունից առաջադրված թեկնածու Սալոմե Զուրաբիշվիլին, գրում է newsgeorgia.ge-ն:
ԿԸՀ-ի տվյալներով՝ Սալոմե Զուրաբիշվիլին ստացել է 59.61%, նրա մրցակից Գրիգոլ Վաշաձեն՝ 40.39% ձայն:
Ընտրությունների երկրորդ փուլում ընտրողների ակտիվությունը 10%-ով ավելի է եղել: Ոչ կառավարական կազմակերպությունների և ընդդիմադիր կուսակցություններից դիտորդների տեղեկացմամբ՝ կուսակցական քարոզիչներն ու իշխող կուսակցությունից համակարգողներն ընտրատեղամասեր այցելողների հաշվարկ են կատարել: Բացի այդ՝ դեպքեր են գրանցվել, երբ ընտրողներն իշխող կուսակցության ներկայացուցիչներին ցույց են տվել քվեարկված քվեաթերթիկների լուսանկարները:
