28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
ՍԴ-ի ներկայացված կազմը լեգիտիմության խնդիր ունի․ Արամ Վարդևանյան․ ՏԵՍԱՆՅՈՒԹ
Հասարակություն
26.06.2026 | 12:57
«Ես գտնում եմ՝ Սահմանադրական դատարանի այն կազմը, որը ներկայացված է, Բարձր դատարան, լեգիտիմության խնդիր ունի»,- այս մասին ընտրությունների արդյունքների վիճարկման գործի քննության ընթացքում նշեց «Ուժեղ Հայաստան» դաշինքի ներկայացուցիչ Արամ Վարդևանյանը։
Նշենք, որ ավելի վաղ ԲՀԿ-ի ներկայացուցիչ Արամ Օրբելյանը միջնորդել էր գործը քննել ամբողջական կազմով, այսինքն կազմ վերադարձնել նաև Վլադիմիր Վարդանյանին և Արտակ Զեյնալյանին։
Օրբելյանի միջնորդությանն արձագանքեց Սեդա Սաֆարյանը, որի գործի քննությանը մասնակցության հարցը ևս քննարկվել էր։ Դատարանը որոշել էր, որ նա կարող է լինել կազմում։
«Անհամատեղելիության հետ կապված միջնորդություն ներկայացնելու իրավունք կողմին տրված չէ։ Կողմին տրված է նման փաստերը բարձրացնելու հարց, նման հանգամանքների մասին դատարանին տեղեկացնելու իրավունք, և այդ իրավունքից բազմիցս իրենք օգտվել են»,- ասաց նա։
Դատավորին ընդհատեց դատարանի նախագահ Արման Դիլանյանը․ «Եթե դատավորներից որևէ մեկը Սահմանադրական դատարանում կբարձրացնի դատավորի մասնակցության անհնարինության հարցը, ապա այդ ժամանակ միայն դատարանը կքննարկի այն»։
Մանրամասները՝ տեսանյութում։
