Կարմիր լույսի տակ չեմ կանգնելու, անվտանգային նկատառում կա. Փաշինյան․ ՏԵՍԱՆՅՈՒԹ

Լուրեր

16.11.2026 | 22:10
Բայրամովը Մեծ Բրիտանիայի պետքարտուղարի հետ քննարկել է Հայաստանի հետ կարգավորման գործընթացը
16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
16.11.2026 | 19:51
Բաքուն ՆԱՏՕ-ի հուսալի գործընկերն է․ Հաջիևը հայտարարել է՝ Ադրբեջանը պատրաստ է զարգացնել դաշինքի հետ գործընկերությունը՝ հանուն խաղաղ Հարավային Կովկասի
16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
16.11.2026 | 19:00
Անվճար խորհրդատվություն և հետազոտություններ․ զրույց՝ դեկտեմբերի 4-6-ը սպասվող առողջապահական EXPO-ի մասին. ՏԵՍԱՆՅՈՒԹ
Բոլորը

Վարչապետ Նիկոլ Փաշինյանը հայտարարել է, որ Հայաստանի և Ադրբեջանի միջև խաղաղության գործընթացը, սահմանազատման փաստաթղթերը և տարածքային ամբողջականության փոխադարձ ճանաչումը հենց այն «կադաստրի վկայականն» են, որի մասին ինքը խոսել էր նախկինում։

Factor TV-ի լրագրողը վարչապետին հիշեցրել է նրա նախկին հայտարարությունները՝ կարմիր լույսի տակ կանգնելու, պաշտոնական արտոնություններից հրաժարվելու, կրթությունը քաղաքականությունից տարանջատելու և Արցախի վերաբերյալ դիրքորոշումների մասին՝ նշելով, որ իշխանության գալուց հետո բազմաթիվ հարցերում Փաշինյանի գործելակերպը հակասել է նախկին հայտարարություններին։

Լրագրողը նաև ներկայացրել է Փաշինյանի նախկին ելույթներից հատվածներ, որոնցում նա Ադրբեջանի և Թուրքիայի քաղաքականությունը բնութագրել էր որպես հայերին ոչնչացնելուն և ցեղասպանության քաղաքականությունը շարունակելուն ուղղված գործընթաց։ Հարցին, թե այսօր վարչապետն իր ո՞ր հայտարարություններին է հավատում՝ նախկին, թե ներկայիս, Փաշինյանը պատասխանել է, որ այդ գնահատականներն արվել են կոնկրետ ժամանակահատվածում առկա իրողությունների և վերլուծությունների հիման վրա։

Նրա խոսքով՝ հենց այդ իրադարձությունների արդյունքում իշխանությունը հանգել է այն եզրակացության, որ Հայաստանը չի կարող իր անվտանգությունը կառուցել այն ենթադրության վրա, թե որևէ այլ ուժ կգա և կպաշտպանի իրեն։

«Այդ ժամանակ մենք հասկացանք, որ կոնցեպտուալ սխալ ունենք և պետք է հարցերը լուծենք՝ հենվելով Հայաստանի Հանրապետության միջազգայնորեն ճանաչված տարածքի վրա։ Այդ վերլուծությունների արդյունքում էլ ծնվել է «Իրական Հայաստանի» գաղափարախոսությունը»,- ասել է վարչապետը։

Անդրադառնալով 2023 թվականին իր հնչեցրած այն մտքին, թե Հայաստանը պետք է ունենա իր «կադաստրի վկայականը», Փաշինյանը նշել է, որ այսօր այդպիսի փաստաթուղթը գոյություն ունի՝ ի դեմս Հայաստանի տարածքային ամբողջականության ճանաչման և սահմանազատման գործընթացի արդյունքների։

«Մեր կադաստրի թուղթը Հայաստանի Հանրապետության տարածքային ամբողջականության ճանաչման մասին է»,- ասել է նա։

Վարչապետը նաև բացատրել է, թե ինչու այլևս չի կանգնում կարմիր լույսի տակ, ինչպես խոստանում էր նախկինում։ Նրա խոսքով՝ դա պայմանավորված է անվտանգության միջավայրի փոփոխությամբ և վարչապետի անվտանգության ապահովման անհրաժեշտությամբ։

«Այո, կանգնում էինք, հիմա չենք կանգնում, որովհետև այդպիսին են անվտանգության ապահովման կարիքները»,- նշել է Փաշինյանը՝ հավելելով, որ շարունակում է ակտիվորեն շփվել քաղաքացիների հետ, այցելել տարբեր բնակավայրեր և քայլել փողոցներում։

Արցախի վերաբերյալ իր նախկին հայտնի հայտարարությանը՝ «Արցախը Հայաստան է և վերջ», անդրադառնալով՝ Փաշինյանը կրկին ընդգծել է, որ երբեք չի հրաժարվել այդ խոսքերն ասելու փաստից։ Նրա խոսքով՝ հենց այդ քաղաքական ճանապարհի և դրանից բխած հետևությունների արդյունքում է ձևավորվել ներկայիս քաղաքականությունը։

«Ես եմ ասել «Արցախը Հայաստան է և վերջ»։ Եվ այդ ասելու արդյունքում է, որ մենք հասել ենք այս կետին»,- նշել է վարչապետը։

Լրագրողի դիտարկմանը, թե արդյոք Արցախի կորուստը կարելի է համարել «լավ կետ», Փաշինյանը պատասխանել է, որ Հայաստանը կանգնած էր սեփական պետականությունը կորցնելու վտանգի առաջ, և իր գնահատմամբ՝ հիմնական խնդիրը Հայաստանի Հանրապետության պահպանությունն էր։

Մանրամասները՝ տեսանյութում։