04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Եթե ԵՏՄ-ն հայտարարում է` ինքը չկա, մենք ի՞նչ անենք. Փաշինյան․ ՏԵՍԱՆՅՈՒԹ
Քաղաքականություն
25.06.2026 | 13:44
Վարչապետ Նիկոլ Փաշինյանը պարզաբանումներ է ներկայացրել տարածաշրջանային խաղաղության ռազմավարության և Եվրասիական տնտեսական միության ապագայի վերաբերյալ՝ շեշտելով փոխադարձ պարտավորությունների կատարման կարևորությունը:
Անդրադառնալով Ադրբեջանից հնչող «Արևմտյան Ադրբեջան» խոսույթին՝ վարչապետը նշել է, որ դա հաճախ հայկական կողմից հնչող հայտարարությունների կամ գործողությունների «հայելային» արձագանքն է: Ըստ Փաշինյանի՝ քանի դեռ Հայաստանում շարունակվում է «Ղարաբաղյան շարժման շարունակության» մասին խոսույթը (այդ թվում՝ խորհրդարանում դրոշների առկայությունը), Ադրբեջանը պատասխանելու է նույնպիսի ապակառուցողական թեզերով:
Խոսելով ԵՏՄ-ի մասին՝ Նիկոլ Փաշինյանը հայտարարել է, որ կառույցի գոյությունը պայմանավորված է չորս ազատությունների (ապրանքների, ծառայությունների, աշխատուժի և ֆինանսների) անխափան գործունեությամբ:
«ԵՏՄ-ն հայտարարում է` ինքը չկա, մենք ի՞նչ անենք։ Եթե այդ ազատ հոսքը չկա, ուրեմն չկա ԵՏՄ-ն: Եթե խնդիրը շարունակվում է ամիսներով, դա նշանակում է, որ կառույցը չի գործում»,- նշել է վարչապետը։
Ի լրումն քաղաքական հայտարարությունների, վարչապետը հայտնել է, որ մայիս ամսին Հայաստանում գրանցվել է 11% տնտեսական ակտիվության ցուցանիշ, իսկ հունվար-մայիս ժամանակահատվածի համար այն կազմել է 8% :
Մանրամասները՝ տեսանյութում։
