16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
100 հազար դրամ պետական տուրք` 2026 թվականին արտադրված 2-րդ հեռախոս ներկրելու համար. Մխիթար Հայրապետյան․ ՏԵՍԱՆՅՈՒԹ
Տնտեսություն
25.06.2026 | 13:05
ՀՀ կառավարությունը հավանություն է տվել «Հաղորդակցության մասին» օրենքում փոփոխություններ կատարելու նախագծին, որով նախատեսվում է ներդնել բջջային հեռախոսների IMEI կոդերի միասնական գրանցման և վերահսկողության համակարգ։
Ըստ բարձր տեխնոլոգիական արդյունաբերության նախարար Մխիթար Հայրապետյանի՝ սահմանվելու են հետևյալ տուրքերը ֆիզիկական անձանց համար.
– 3,000 դրամ՝ տվյալ կամ նախորդ տարում արտադրված առաջին հեռախոսի գրանցման համար։
– 100,000 դրամ՝ նույն տարվա ընթացքում 2026 թվականին արտադրված երկրորդ և հաջորդ հեռախոսների ներմուծման և գրանցման համար։
– 20,000 դրամ՝ 2025 թվականի արտադրության երկրորդ և հաջորդ հեռախոսների համար։
Հին հեռախոսների գրանցումն անվճար է, իսկ արդեն իսկ գործող հեռախոսների կոդերը կգրանցվեն ավտոմատ՝ առանց տուրքի։
Վարչապետ Նիկոլ Փաշինյանը նշել է, որ բջջային հեռախոսների շուկան Հայաստանում ամենամեծ ստվերային հատվածներից է, որտեղ ստվերը հասնում է 30-40%-ի։ Նրա խոսքով՝ այս որոշմամբ ավարտվում է «սև» հեռախոսների դարաշրջանը. «Այդ հեռախոսով մաքսիմալ կարելի է պոպոկ կոտրել, բայց որպես հեռախոս օգտագործելու հնարավորություն չի լինելու»։
Համակարգը լիարժեք կգործի 2027 թվականի հունվարի 1-ից ։
