16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Տեսանյութեր
24.06.2026 | 20:10
Զինվորի տանը այսօրվանից բուժում են ստանալու նաև փոքրիկները․ բացվեց կենտրոնի մանկական նյարդավերականգնողական բաժանմունքը։
Նորաբաց բաժանմունքը նախատեսված է երեխաների վերականգնողական բուժման և զարգացման աջակցության համար։ Այստեղ բուժում կարող են ստանալ ինչպես հենաշարժողական խնդիրներ ունեցող, այնպես էլ զգայական խանգարումներ ունեցող երեխաները։ Վերականգնողական ծառայություններ մատուցող նմանատիպ կենտրոն Հայաստանում մինչ այժմ չի գործել։
Մանկական վերականգնողական կենտրոնը բացվել է Արցախի հերոս Արմենակ Ուրֆանյանի անունը կրող դահլիճում։ Բացման արարողությանը ներկա էր նաև հերոսի մայրը։
Կենտրոնը բացվել է բարերար Ժան Դադիկյանի աջակցությամբ, որին Զինվորի տան տղաների անունից խորհրդանշական պարգև հանձնվեց։ Միջոցառմանը մասնակցում էր նաև Հայաստանում Ֆրանսիայի դեսպան Օլիվիե Դըկոտինյին։
Զինվորի տան հյուրերը շրջեցին կենտրոնում, ծանոթացան նոր սարքավորումների հնարավորություններին։ Դրանք կօգնեն երեխաներին վերականգնել շարժողական և զգայական գործառույթները՝ բուժումը համադրելով խաղի և առօրյա ակտիվությունների հետ։
Մանրամասները՝ տեսանյութում։
Անի Թամրազյան
