24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Անցումային արդարադատության սահմանը՝ ըստ Վահե Գրիգորյանի. ՏԵՍԱՆՅՈՒԹ
Հասարակություն
28.11.2018 | 17:17
Քրեական օրենքի ոչ բոլոր խախտումներն են, որոնց հետևից գնալով՝ պետությունը, անցումային արդարադատություն հռչակելով, պիտի ընկնի մարդկանց հետևից: Նոյեմբերի 28-ին «Անցումային արդարադատության մեխանիզմների ներդրման հնարավորությունը ՀՀ-ում՝ միջազգային փորձի լույսի ներքո» թեմայով քննարկման ժամանակ ասաց իրավաբան Վահե Գրիգորյանը:
«Իմ պատկերացրած սահմանը սահմանադրական կարգի նկատմամբ ոտնձգությունները և կյանքի իրավունքի, խոշտանգումներից զերծ մնալու իրավունքի նկատմամբ ոտնձգություններն են, և ո՛չ դրանից այն կողմ, ո՛չ դրանից ավելի: Սա պետության պոզիտիվ պարտականությունն է. մեկը՝ պետության կյանքի, մյուսը՝ անհատի կյանքի ապահովմանն ուղղված պետության պարտականությունները»,- նշեց իրավաբանը:
Նրա պնդմամբ՝ Հայաստանի Սահմանադրության՝ պետական իշխանությունների մարմինների լիազորությունների վերաբերյալ դրույթների համակարգային վերլուծության արդյունքում շատ հստակ է, որ գործադիրն ու օրենսդիրը, մեկ քաղաքական ուժի կողմից վերահսկվելու պայմաններում, մի որոշ ժամանակ անց կորցնելու են մեկը մյուսի նկատմամբ հակակշիռների և զսպումների մեխանիզմների իրենց հատկությունները:
«Եվ անցումային արդարադատությունը կարող է շատ գայթակղիչ գործիք լինել՝ տարածվելու դրա իրական նպատակից ու բովանդակությունից»,- հավելեց Վահե Գրիգորյանը:
Մանրամասները՝ տեսանյութում:
