Վաղ թե ուշ գալու ենք ձեր հետևից․ քաղաքապետը՝ տնտեսվարողներին․ ՏԵՍԱՆՅՈՒԹ

Լուրեր

16.11.2026 | 21:59
Իրաքն ու Հորդանանն անվտանգության մտահոգությունների պատճառով արգելափակում են Telegram-ը
16.11.2026 | 21:47
Բորիս Նեմցովի սպանության համար դատապարտվածները գաղտնի ազատ են արձակվել և ապրում են Չեչնիայում․ «Проект»
16.11.2026 | 21:32
Օտարերկրյա միջամտություններ և հիբրիդային սպառնալիքներ․ Միրզոյանի ելույթը Բրյուսելում
16.11.2026 | 21:15
Դատավորը մեղադրյալի աթոռին. ինչո՞ւ Մասիս Մելքոնյանը զրկվեց անձեռնմխելիությունից․ ՏԵՍԱՆՅՈւԹ
16.11.2026 | 21:00
ԹԵԺ ԲԱՆԱՎԵՃ․ «Քաղաքացիական պայմանագիր», «Ուժեղ Հայաստան», «Հայաստան»․ պիտի փոխվի՞ Սահմանադրությունը. ՏԵՍԱՆՅՈւԹ
16.11.2026 | 20:49
Բազմաբնակարան բնակելի համալիրի կառուցման թույլտվություն կտրվի․ նախագիծը Երևանի ավագանին կքվեարկի չզեկուցվող հարցերի փաթեթում
16.11.2026 | 20:27
38 երկիր նախազգուշացրել է այս ձմռանն Ուկրաինայում միջուկային վթարի վտանգի մասին
16.11.2026 | 20:13
ԵՄ նոր պատժամիջոցների ցանկում են ՌԴ խոշորագույն նավթավերամշակման գործարանները, «ЮMoney»-ն, ավելի քան 40 բանկեր, Մատվիենկոյի որդին
16.11.2026 | 20:00
Դիտեք ԱԺ-ի և Հ1-ի ծեծկռտուքներն ու պարզ կլինի՝ ինչու է պետք միլիոնավոր դոլարներ ծախսել կրթության վրա․ Արմեն Մարտիրոսյան. ՏԵՍԱՆՅՈՒԹ
16.11.2026 | 19:51
Բաքուն ՆԱՏՕ-ի հուսալի գործընկերն է․ Հաջիևը հայտարարել է՝ Ադրբեջանը պատրաստ է զարգացնել դաշինքի հետ գործընկերությունը՝ հանուն խաղաղ Հարավային Կովկասի
16.11.2026 | 19:33
Բուլղարիայի ափերի մոտ նավ է խորտակվել, որի անձնակազմում Ադրբեջանի քաղաքացիներ են եղել․ ՏԵՍԱՆՅՈՒԹ
16.11.2026 | 19:20
Հայր ու որդի նույն հայտարարագիրն են ներկայացրել
16.11.2026 | 19:09
Պապոյանը Գերմանիայի դեսպանի հետ քննարկել է տնտեսական համագործակցության զարգացման հեռանկարները
16.11.2026 | 19:00
Անվճար խորհրդատվություն և հետազոտություններ․ զրույց՝ դեկտեմբերի 4-6-ը սպասվող առողջապահական EXPO-ի մասին. ՏԵՍԱՆՅՈՒԹ
16.11.2026 | 18:51
Երևանում կստեղծվի Սոցիալական ծառայությունների կենտրոն․ ի՞նչ ծառայություններ կտրամադրի նոր ՀՈԱԿ-ը
Բոլորը

Երևանի կենդանաբանական այգում իրականացվել են բարեկարգման, վերանորոգման և ենթակառուցվածքային մի շարք աշխատանքներ։ Այդ մասին Երևանի քաղաքապետարանի գործակարգավարական նիստում տեղեկացրել է Երևանի կենդանաբանական այգու տնօրեն Արման Տեր-Թովմասյանը։

Նրա խոսքով՝ այգում տեղադրվել է նոր տոմսարկղի դրամարկղային սարքավորում, իսկ ակվատերարիումի բաժնում՝ տոմսային արգելափակոց։ Այցելուների համար տեղադրվել են էլեկտրոնային էկրաններ և տեղեկատվական բաներներ, իսկ ամբողջ տարածքում գործարկվել է ձայնային համակարգ։

Տնօրենի ներկայացմամբ՝ մաքրվել են ջրահեռացման համակարգերը, իրականացվել են ասֆալտապատման աշխատանքներ, դրամարկղի արտաքին պատերը մշակվել են ավազաշիթային համակարգով, կատարվել է կտուրի ջրամեկուսացում, ներկվել են բոլոր փայտյա կառուցվածքները։ Կենդանաբանական այգում կառուցվել են չափորոշիչներին համապատասխան վեց նոր ազատավանդակներ՝ իրենց ձմեռանոցներով։

Բացի այդ, ցուցադրության համար ձեռք են բերվել նոր կենդանիներ, իսկ աշխատակիցների համար՝ այգու լոգոտիպով նոր արտահագուստ։ Արման Տեր-Թովմասյանի խոսքով՝ իրականացված աշխատանքները շարունակական բնույթ ունեն և միտված են կենդանաբանական այգու հետագա զարգացմանն ու ժամանակակից չափանիշներին համապատասխանեցմանը։

Երևանի քաղաքապետ Տիգրան Ավինյանը, անդրադառնալով կատարված աշխատանքներին, շնորհակալություն հայտնեց կենդանաբանական այգու ղեկավարությանը և անձնակազմին՝ ընդգծելով, որ այգում մեծածավալ աշխատանք է իրականացվել։

Միաժամանակ քաղաքապետը բարձրացրեց այգու տարածքում գործող սրճարանների աշխատանքի հարցը՝ նշելով, որ դրանց գործունեության վերաբերյալ շարունակում է դժգոհություններ ստանալ։ Ավինյանի խոսքով՝ եթե կենդանաբանական այգու մյուս ծառայություններում վճարումները հնարավոր են ինչպես կանխիկ, այնպես էլ անկանխիկ եղանակներով, ապա որոշ սրճարաններում դեռ պահպանվում են հին գործելաոճերն ու մոտեցումները։

Քաղաքապետը կոչ է արել քաղաքային տարածքներում գործող տնտեսվարողներին վերանայել իրենց աշխատանքային մշակույթն ու ծառայությունների որակը՝ համապատասխանեցնելով դրանք ժամանակակից Երևանի պահանջներին։

Նրա գնահատմամբ՝ տարիներ շարունակ նույն գործելակերպով աշխատած որոշ տնտեսվարողներ դժվարությամբ են հարմարվում նոր պայմաններին, մինչդեռ մայրաքաղաքի զարգացման ընթացքը պահանջում է նոր մոտեցումներ և ծառայությունների ավելի բարձր մակարդակ։

«Կոչ-հորդոր մեր տնտեսվարողներին, ովքեր նախկինից ինչ-որ վարձակալական հիմունքներով տարբեր հատվածներում Երևան քաղաքի տարբեր առևտրային օբյեկտներ են աշխատացնում։ Հարգելիներս, երևի թե ուղղակի ձեր այդ իրավունքը փորձեք վաճառել, որովհետև մենք, վաղ թե ուշ, գալու ենք ձեր հետևից, որովհետև դուք այլևս չեք համապատասխանում Երևան քաղաքի և երևանցիների մերօրյա պահանջներին»,- եզրափակեց Ավինյանը։

 

Մանրամասները՝ տեսանյութում։