16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Նուրբ ժպիտով՝ տրոլեյբուսի ղեկին. 23-ամյա Իվետան կարծրատիպեր է կոտրում. ՏԵՍԱՆՅՈՒԹ
Հասարակություն
21.06.2026 | 14:57
Երևանցիներից ոմանք զարմացած, ոմանք՝ հիացած հայացք են ընդունում, երբ բարձրանում են տրոլեյբուս և տեսնում, որ վարորդը երիտասարդ աղջիկ է։ Իվետա Սարկիսյանն արդեն երեք ամիս է՝ Երևանում տրոլեյբուս է վարում, սպասարկում է Տ 2 Աերացիա-Նուբարաշեն երթուղին։
Իվետան 23 տարեկան է, ունի հաշվապահի, զբոսավարի և հոգեբանի մասնագիտություն, բայց որոշել է մասնագիտական հետագա ուղին «տրոլեյբուսով անցնել»։
«Ես երկու տարվա վարորդ եմ, ինձ համար դժվար չէր տրոլեյբուս վարելը, պարզապես մի քիչ ժամանակ պահանջվեց, որ չափերին սովորեմ, հատկապես շրջադարձերի ժամանակ ավելի հմուտ դառնամ»,- Factor TV-ի հետ զրույցում ասում է Իվետան։
Նրա խոսքով՝ վարորդների արձագանքը դրական է, ուղևորներինը՝ երբեմն դրական, երբեմն՝ ոչ այնքան։
«Նկատում էի, որ կային մարդիկ՝ սկզբնական շրջանում վախեցած էին նայում, հեռախոսով խոսում էին, ասում էին՝ սպասիր՝ տեղ հասնեմ, կզանգեմ, խաչակնքվում էին՝ նկատելով, որ ղեկին աղջիկ է»,- կատակում է Իվետան։
Նա ծնվել է Մասիսում, սակայն միշտ երազել է աշխատել Երևանում, ասում է՝ ծնողները սկզբում մտահոգություն ունեին գործի բնույթի հետ կապված։
«Ի վերջո, մարդկային կյանքերի հետ գործ ունեմ, բայց նրանք էլ ժամանակի ընթացքում հարմարվեցին»,- նշում է Իվետան։
Մանրամասները՝ տեսանյութում։
Աննա Բաբաջանյան
