15.07.2026 | 16:14
Հայկ Հարությունյանն ու Էստոնիայի դեսպանը քննարկել են հանրային կառավարման բարեփոխումները
Ոստիկանները պետական ունեցվածքի գողության դեպքեր են բացահայտել. ՆԳՆ
Հասարակություն
18.06.2026 | 21:59
Հունիսի 16-ին Համայնքային ոստիկանության Գուգարքի բաժին Դարպաս բնակավայրի վարչական ղեկավարից հաղորդում է ստացվել, որ ապամոնտաժման միջոցով գողացել են բնակավայրի ոռոգման ջրի համար նախատեսված պանելները՝ պատճառելով 240 հազար դրամի վնաս։
ՆԳՆ ոստիկանության փոխանցմամբ՝ համայնքային ոստիկանների ձեռնարկած օպերատիվ-հետախուզական միջոցառումների արդյունքում պարզվել է, որ գողությունը կատարել է Լեռնապատ գյուղի բնակիչ 40-ամյա տղամարդը։ Նա ձերբակալվել և տեղափոխվել է բաժին, որտեղ բացատրական աշխատանքի արդյունքում հայտնել է, որ գողոնը իր տրակտորով տեղափոխել է Լեռնապատ գյուղի վարչական տարածք՝ շինարարության մեջ օգտագործելու նպատակով։
«Կազմված փաստաթղթերը ներկայացվել են Լոռու մարզային քննչական վարչություն։
Հունիսի 17-ին պետական ունեցվածքի գողության վերաբերյալ օպերատիվ տեղեկություն էր ստացվել նաև Համայնքային ոստիկանության Տավուշի բաժնում։
Ձեռնարկած օպերատիվ-հետախուզական միջոցառումների արդյունքում համայնքային ոստիկանները պարզել են, որ Մովսես գյուղի 74-ամյա երկու բնակիչ հողաշերտի տակից քանդելու միջոցով ապամոնտաժել և գողացել են այգիների ոռոգման համար նախատեսված ջրագծից 15 մետր մետաղյա խողովակաշար, ապա «ՈւԱԶ»-ով տեղափոխել իրենցից մեկի առանձնատան տարածք։
Գողոնը հայտնաբերվել է։ Կազմված փաստաթղթերն ուղարկվել են Բերդի քննչական բաժին»,- ասվում է հաղորդագրությունում։
