24.10.2026 | 17:54
«Անկախ դիտորդ»-ը հայտարարություն է տարածել ընտրություններին նախորդող օրերին թեկնածուների ձերբակալությունների վերաբերյալ
Ինչպես են քանդում Կիևյան կամրջի ասֆալտը. հիմնանորոգում և խցանումներ․ ՏԵՍԱՆՅՈՒԹ
Հասարակություն
18.06.2026 | 18:00
Կիևյան կամուրջը երեկ ամբողջովին փակվեց երթևեկության համար։ Այն փակ կմնա շուրջ 2,5 ամիս՝ հիմնանորոգման լայնածավալ աշխատանքների պատճառով։
Կամրջի փակման պատճառով հարակից փողոցներում ժամանակավոր փոփոխություններ են կատարվել։ Մասնավորապես, Հալաբյան և Քըրքորյան փողոցների խաչմերուկում սահմանվել են երթևեկության նոր կանոններ՝
- Հալաբյան փողոցով երթևեկելիս՝ 1-ին, 2-րդ և 3-րդ գոտիներից թույլատրվում է միայն աջ շրջադարձ, իսկ 4-րդ գոտուց՝ ուղիղ և հետադարձ։
- Քըրքորյան փողոցի կողմից՝ 1-ին գոտուց՝ աջ և ձախ շրջադարձ, 2-րդ և 3-րդ գոտիներից՝ դեպի ձախ, իսկ 4-րդ գոտուց՝ միայն հետադարձ։
Կամրջով անցնող հանրային տրանսպորտի երթուղիները (ավտոբուսներ և տրոլեյբուսներ) վերակազմավորվել են։ Ըստ քաղաքապետարանի հրապարակած ցանկի՝ երեկվանից 14 ավտոբուսի և 1 տրոլեյբուսի երթուղիներում փոփոխություն են գործում։ Ուղևորներին առաջարկվում է օգտվել այդ այլընտրանքային երթուղիներից, որոնք հիմնականում շրջանցում են Կիևյան կամուրջը՝ անցնելով Դավթաշենի կամ Հաղթանակի կամուրջներով։
Այլընտրանքային ճանապարհներին երթևեկությունը ծանրաբեռնված է և խցանումներ են։
Մանրամսները՝ տեսանյութում։
