13.07.2026 | 23:14
ԵՄ-ն պատժամիջոցներ է սահմանել VK-ի նկատմամբ
ՔՊ-ի անդամի վերաբերյալ դա լիներ, քրեական վարույթ կհարուցվե՞ր․ Արամ Վարդևանյան․ ՏԵՍԱՆՅՈՒԹ
Հասարակություն
17.06.2026 | 13:06
«Ուժեղ Հայաստան» դաշինքի պատգամավորի թեկնածու Արամ Վարդևանյանը կարծում է, որ Դավիթ Ղազինյանի նկատմամբ քրեական հետապնդում հարուցելու և անձեռնմխելիությունից զրկելու վերաբերյալ ներկայացված միջնորդությունը քաղաքական ենթատեքստ ունի և իրավական բավարար հիմնավորումներ չի պարունակում։ Այս մասին նա ասաց ԿԸՀ-ի շենքի դիմաց լրագրողների հետ զրույցում։
Նիստի մեկնարկից առաջ լրագրողների հետ զրույցում Վարդևանյանը նշեց, որ թեև գործի նյութերն այս պահին հասանելի չեն, սակայն քրեական վարույթի հիմքում ընկած ձայնագրությունը դեռ հունիսի 5-ին հրապարակվել է հենց իրավապահ մարմինների կողմից։
«Մենք չենք կարող խոսել նախաքննական գաղտնիքի ռեժիմի մասին, որովհետև ձայնագրությունը հանրայնացվել է։ Այսքան ժամանակ բոլոր տվյալները եղել են հանրային, հասանելի, և այդ պայմաններում այսօր խոսում ենք քրեական հետապնդում հարուցելու համաձայնության և ազատությունից զրկելու համաձայնության մասին»,- ասաց նա։
Հիշեցնենք՝ Դատախազությունը միջնորդություններ է ներկայացրել Կենտրոնական ընտրական հանձնաժողով «Ուժեղ Հայաստան» դաշինքի պատգամավորի թեկնածու Դավիթ Ղազինյանի նկատմամբ քրեական հետապնդում հարուցելու և ազատությունից զրկելու համաձայնություն ստանալու նպատակով: Նիստը դռնփակ է։
Մանրամասները՝ տեսանյութում։
